Келшымаш
+24 °С
Йӱр
Все новости
Ял озанлык
24 Сорла 2022, 11:02

Якупов - ончыл радамыште

«Кштаев С. Ш.» КФХ-н ончыл комбайнерже Г. Якуповым мемнан районышто гына огыл, а республика кўкшытыштат сайын палат. Кодший Георгий Иванович республикыште эн виян кум комбайнер коклашке пурен.

Якупов - ончыл радамыште
Якупов - ончыл радамыште

«Кштаев С. Ш.» КФХ-н ончыл комбайнерже Г. Якуповым мемнан районышто гына огыл, а республика кўкшытыштат сайын палат. Кодший Георгий Иванович республикыште эн виян кум комбайнер коклашке пурен.
Теният тудо ончыл тўшкаште улеш, уржа-сорла тўҥалтыш гыч кум тўжем утла тонн шурным шийын. Георгий Ивановичын илыш корныжо республикысе моло механизатор-влакын деч нимо денат огеш ойыртемалт - шочын, школым тунем пытарен, армийыште служитлен, пашам ыштен да молат. Икманаш, нимо денат ок ойыртемалт. Икте гына єрыктара - пашаште кугу чытышыже, эр ўжара гыч кас йўд марте нойыде пашам ыштымыже.
- Георгий Иванович пасушко лектын гын, чарак огеш лий, - ойла ял озанлык отделын тўҥ инженерже А. Абукаев. - Тудо пашажым сай качество дене шукта, тыгодымак у деч у рекордым шында. Кодшо тургым жапыште шурным шийме дене республиканский конкурсышто почетан кокымшо верым налын. Тений Георгий Иванович республикыште эн сай комбайнер лияш шона. Тидлан чыла негыз уло. Уржа-сорла тўҥалтыш гыч Г. Якупов «Нива-340» комбайнже дене кум тўжем утла центнер шурным шийын, 220 гектар пасушто ты пашам шуктен. Тудо кажне кечын 24 бункер, ик бункерыш 3,5 центнер пура, шурным шиеш. Палемдаш кўлеш, озанлыкыште шурно лектыш тений сай.
- Пасум ончылгоч ямдылыме, ўяҥдышым ситышын пуымо, агротехнический правилым тўрыс шуктымо сай лектышым пуа, - манеш А. Абукаев. - Пашам тыге ыштыме да тудым Георгий Якупович гай механи- затор-влак шуктат гын, лектыш лиеш. Якупов паша темпым ок волто.
Уста механизатор А. Абукаев дене келшыде ок лий, вет тудо техникым да агрономийым гына огыл, а еҥ-влакымат сайын пала. Ял озанлыкын шуко производственный участкыштыже ятыр ий пашам ыштен, тудо шушаш прогнозым чын ышта. «Кштаев С. Ш.» озанлыкат ончык тошкалын, пасу пашам да вольык озанлыкым вияҥда. КФХ вуйлатыше материально-технический базым пойдарен, машинно-тракторный паркым уэмден, уста, пашам йӧратыше механизатор-влакым чумырен. Чыла тидыже озанлыклан вияҥашыже йєным ыштен. Самвел Шикоевич шукертак умылен, сай урожайын негызшылан, мутат уке, мландым сайын ямдылымаш, элитный урлык, ўяҥдыш да… мландым йєратымаш шотлалтыт. Вет млданде-ава ужеш, кӧ кузе пашам ышта. Уржа-сорла мучашке шуын огыл, а озанлыкыште кокияшым ўдаш мландым ямдылат, а тиде пашам августышто ыштен шуктыман.
Уэш Георгий Иванович Якупов деке пєртылына, пасушто шурным поген пытарымеке, тудо вигак куатле тракторыш шинчеш да шушаш урожайлан мландым ямдылаш тўҥалеш, а телым корным лум деч эрыкта. Пашам йєратыше еҥлан паша нигунам ок пыте. А Георгий Иванович Якупов лач тыгай улеш.
Вениамин КОНДОГИН.

Якупов - ончыл радамыште
Якупов - ончыл радамыште
Автор:Вениамин Кондогин