Келшымаш
+24 °С
Йӱр
Все новости
Ял озанлык
17 Сорла 2022, 11:39

Кокияш ўдалтеш

Кокияш уржам районыштына эн ончыч «Центральный» МТС-н Пўрӧ филиалжын Мишкан отделенийыштыже ўдаш тўҥалыныт

Кокияш ўдалтеш
Кокияш ўдалтеш

Мланде пашаеҥ-влак тургым жаплан сайын ямдылалтыныт. Техникым чыла ончылгоч ямдылыме.
Вес ийлан мландым куралме, кокияшым ўдымӧ паша нерген озанлыкыште шошо гычак шонаш тўҥалыт, вет 2023 ийысе лектыш верч тений кеҥежымак тыршаш тўҥалман. Тидын нерген МТС пашаеҥ-влак раш палат. Кокияшым Пўрємучаш ялыш воктенсе пасушто ўдаш тўҥалме. Тиде пасу идалык еда сай лектышым пуен шога.
- Сай лектышым налашлан чыла пашам жапыштыже да кўлеш семын шуктыман, мландым сайын курал тырмалыман. Тиде паша сайын шуктымаш, конешне, механизаторын усталыкше деч шога, - ойла Мишкан участкын тўҥ агрономжо Рузель Хаматнуров. – Игече дечат ятыр шога, эше – урлыкаш деч. Урлыкашна сай качестван, техникынат тўзык, но игече шотышто нимом раш каласаш ок лий. Тидлан кӧра урлыкаш йўштымат, шокшымат сай чытымылан гына ўшанаш кодеш. Кушкаш тўҥалше уржа йўштӧ шыже ден луман телымат кылмышаш огыл. Йўр нӧртымӧ деч вара кенета йўштӧ чывышталмымат чытышаш. Синоптик-влакын мутышт почеш теле сай лийшаш. Но игече синоптик-влакым эре ок колышт.
Жапыштыже «Рефанде» совхозын пашаж нерген ятыр возалтын. Шарнем, тиде пасушто лум пеш вараш шулен пытен. Тидлан кӧра шошо ага паша моло верысе деч 10-14 кечылан варашрак тўҥалын. Кеҥежымат тыгак лийын - моло кундемлаште кокияшым ўден пытареныт гын, тушто тўҥалыныт веле.
Но кызыт ме йӧршын вес сўретым ужына. Очыни, игече изишак вашталтын. Кызыт Пўрӧмучаш мланде идалык еда сай лектышым пуа. МТС пашаеҥ-влак, очыни, тиде мландылан келшыше урлыкашым муын кертыныт. Мландым кузе курал-ўдышашымат рашемден шуктеныт.
Уржа шотыштат икмыняр шомакым каласыде кодаш ок лий. Тиде культура элыштына шужен колымаш дечын ятыр гана да ятыр еҥым утарен коден. Вет ожно шыдаҥ киндым пеш шагал кочкыныт, тўҥ культура лач уржа лийын.
В. КОНДОГИН.

Кокияш ўдалтеш
Кокияш ўдалтеш
Автор:Вениамин Кондогин