КВН эртен

Посо уш-акылыштым да мыскара кумылыштым ончыкташ ныл команде кумыларын: «ЦРБ» (рўдє районный больница), «БИС» (Озерка ял), «У школ» (Кемий ял) да «HD молодежь» (Мишкан агропромышленный колледж).

Ончылмутым ойлымо да тыланымаш деч вара весела кас тўналын. Команде-влакын выступленийыштым вич балл дене аклыме. А аклыме пашам шукташ компетентный жюрилан ўшаныме, председательже - район администраций вуйлатышын икымше заместительже Л. Александрова.

Икымше конкурс - «Визитка». Темыже - культура уша. Эн ончычак студент-влак сценыш лектыныт. Нунын выступленийыштышт мыскаражат, пўсє умдыжат ситышын лийын. Сандене акшат келшыше - эн кўкшє балл. Медицина пашае‰-влакат почеш кодын огытыл. Моло команде-влакат кертмышт семын залыште шинчыше-влакым да, конешне, жюри член-влакым, шке велкышт савыраш тыршеныт.

Кокымшо конкурс музыкальный - «Сымыктыш шўмым тургыжландарышаш». Команде-влак чыланат сайын ямдылалтыныт.

«Биатлон» конкурсышто кажне команда кум мыскарам ойлен.

Пытартыш конкурс «СТЭМ» манылтын. Команда-влак «Культурдымо культура» темылан вич минуташ миниатюрым ончыктеныт.

Конкурс-влак пытеныт. Жюрий иктешлымашым ышташ каен. Тиде жапыште залыште шинчыше-влаклан «Березка» вокальный ансамбль, Олеся Мусалина ден Максим Андреев муро пєлекым ыштеныт.

КВН модмашын итогшо тыгай: Гран-при - «HD молодежь», икымше вер - «ЦРБ», кокымшо - «У школ», кумшо - «БИС».