Келшымаш
+7 °С
Пылан
Все новости
Культура
5 Апрель , 15:05

«Калейдоскоп» - у кўкшытышто!

Сельский культура учреждений-влак коклаште самырык мастар-влакын районный конкурсышт эртен

«Калейдоскоп» - у кўкшытышто!
«Калейдоскоп» - у кўкшытышто!

29 мартыште Мишкан селасе Культура дворецыш мураш, кушташ да сценыште выступатлаш йєратыше уста йоча-влак чумыргеныт.

- Таче моткоч кугу пайрем! - увертарен вўдышє. - Талант - тиде моткоч єрыктарыше юзо, тудо мемнан шинча ончылно шочеш. Кажне айдемын талантше уло, ме чылан юзо тўшкашке пурена, мурен, куштен моштена. Кажне е‰ шке мастарлыкшылан, усталыкшылан ўшанышаш да тудым почын моштышаш!

«Юзо микрофон - 2022» районный конкурсын участникше-влакым жюри председатель Ирина Аликаева саламлен да самырык ўдыр-рвезе-влаклан творческий се‰ымашым тыланен.

Самырык талант-влакын мастарлыкыштым аклыше жюриште Йоча искусство школын вокал дене преподавательже Регина Исмагилова, балетмейстер-постановщикын полышкалышыже Ирина Бикташева лийыныт.

Конкурс ийгот шот дене кок тўшкалан шелалтын: 7 гыч 11 ияш марте да 11 гыч 14 ияш марте. Вокалист-влак ик муро дене муреныт. РДК сцена гыч ава, кувава, пиалан йоча жап, шочмо кундем нерген ныжыл муро-влак йо‰галтыныт. «Хореографий» номинацийыште конкурсант-влак калык да классический куштымаш-влакым ямдыленыт.

У шўдыр шочмым ужаш чылалан пўрен огыл. Но тиде кечын залыште шинчыше-влаклан тыгай пиал шыргыжын. Конкурсный программым Озерка клубын «Смайлики» куштышо коллективше почын. Йылыш клуб гыч трио - Самира Алексеева, Надежда Зайнетдинова, Элина Сайпушева «Дождик» куштымашым ончыктен. «Азарт» вокальный ансамбльын (Йылыш клуб) ўдыржє-влак Лиана Байгузина, Вероника Исеметова, Ангелина Саликаева да Виктория Шамукаева «Ты звезды зажигай» мурым йо‰галтареныт. Кугу Соказа гыч вокалист Арина Имановам палемдыме шуэш. Вуйлатышыже Анастасия Апекова дене марла «Йылдыр-йылдыр» мурым ямдыленыт.

Конкурсный программа пеш поян лийын. Вўдышє Василий Кутлуметов манмыла, залыште шинчыше-влак у шўдыр шочмым ужыныт да нунын волгыдышт дене волгалтыныт.

«Юзо микрофон» Монар, Ардаш, Кугу Соказа, Кугу Шаде, Изи Накаряк, Кўрзе, Нерге Культура пєртласе да Озерка, Корак, Йылыш, Памаш клубласе шўдыр-влаклан у корным почын.

«Юзо микрофон - 2022» районный конкурсышто Гран-прим Йоча искусство школын «Калейдоскоп» образцовый хореографический ансамбль налын. Тудо ийгот шот дене кок группыштыжат се‰ышыш лектын. «Калейдоскоп» хореографический ансамбль «образцовый» лўмым 2018 ийыште арален. Тиде коллективым уста преподаватель Марина Яшкина вуйлата.

«Хореографий» номинацийыште икымше степеньян дипломым Йоча искусство школын «Калейдоскоп» ямдылалтме группылан, «Акарт» (Ардаш СДК) да «Пеледыш аршаш» (Корак клуб) куштышо коллектив-влаклан пуымо.

«Вокал» номинацийыште Кугу Соказа Культура пєртын самырык мурызыжо Милена Апекова се‰ен. Кокымшо верым Кугу Соказа СДК гыч Арина Иванова(соло) да Йылыш клубын триожо налыныт. Вокальный ансамбль-влак коклаште Памаш СДК-н дуэтше да Йылыш клубын вокальный ансамбльже кумшо верыш лектыныт. Вокалист-влак коклаштат Йылыш клубын участникше-влак Виктория Шамукаева ден Вероника Исеметова кумшо верым налыныт.

- Мемнан конкурс кажне ийын кушкын толшо тукымым сценический культура деке шўма‰дышашлан, эстетический шўлышым пуртышашлан эртаралтеш, - манеш РДК-ште йоча-влак дене пашам ыштыме шотышто методист Марина Минилбаева. - Самырык талант-влакын выступленийыштым аклыме годым жюри вокальный данныйым, сценыште шкем кучымым, кажне выступленийын ойыртемалтмыжым онча. Йылыш ялысе клубым поснак палемдыме шуэш. Тиде клуб гыч эн шуко участник лийын, исполнительный мастарлыкыштат куандара. Самырык талант-влаклан творчески кушкаш тыланена. Ончыкыжымат нуным РДК-н сценыштыже ужаш тў‰алына манын ўшанена.

«Калейдоскоп» - у кўкшытышто!
«Калейдоскоп» - у кўкшытышто!
Автор:Светлана Тоймурзина