Келшымаш
+7 °С
Пылан
Все новости
Культура
18 шорыкйол , 15:51

Вӱд модмо кече дене!

Вӱд модмо кечедене!

Вӱд модмо кече дене!
Вӱд модмо кече дене!

Пагалыме марий калык!
Чыландамат алал кумылын Вўд модмо кече дене саламлем! Вий-алым, суапым да тазалыкым тыланем!
Вўд модмо кече телым пўртўс вашталтыш дене кылдалтше кече. Ты жапыште пўртўс шошо могырко вашталташ тўҥалеш. Икманаш, христиан йўла дене кылдалтше огыл, а чылт марий пайрем. Мӧҥгешла, христиан-влак акрет жапысе кечым шкеныштын йўлаштлан келыштареныт. Вўд модмо кечым кунам палемдымаш эн кужу йўд годым тылзе могай да кушто лиймыж дечын шога. Мутлан, 2021 ий 22 декабрьыште тылзе изишак тоштемаш тўҥалын да Рак тўшкашўдырыштє лийын. 19 январьыштат тылзе изишак тоштемаш тӱҥалше да Рак тўшкашўдырыштӧ улеш. Кугезына-влак эсапленыт – эн кужу йўд деч вара лач ик тылзе жап игече, кече кужемеш гынат, утыр йўштемеш. Тиде мланде ўмбалсе юж вашке гына ыраш тўҥалын кертдыме дене кылдалтын. Мутлан,
коҥгаш олтет гынат, коӱга виклан ок ыре, юж денат тыгак. А эн кужу йўд деч вара тылзе эртымеке, игече эркын лывырташ тўҥалеш. А лач 19 январьыште
вўд юзо вийым налеш – тудлан юзылыкым пўртўс дене кылдалтше Кўсӧ Юмо пуа.
Пагалыме родем да йол- ташем-влак! Кастене кудо кӧргӧ ямагатше ден эсен возын, эрдене кум тўрлӧ вольык йўкешыже помыжалтын кынелын илыза. Ош Юмо ар тўрлӧ гыч саклен, шўкшӧ кўвар гыч саклен, кукшо кошар гыч саклен, келге лавыра гыч саклен, йўд вор гыч саклен, кече вор гыч саклен, маска гыч саклен, пире гыч саклен, чер-чур мужо вожым йўдйымалке ўштыл колтен шогыжо. Таза-эсен, пиалан лийза, ўжарала печкалтын, кечыла нєлталтын, тылзе гай тичмаш лийын, пылла оварен, волгенчыла волгалтын, шўдыр гай чўчкен илыза да кугезе йўланам тўткын аралыза – тудо мемнан эн кугу поянлыкна.
Эсен ЭЛАЙ, марий мушан.

Вӱд модмо кече дене!
Вӱд модмо кече дене!
Автор:Вячеслав Камилянов