Йӧратыме авалан

«Дарю тебе нежность» лудшо-влакын онлайн-конкурсыш районысо школлаште тунемше-влак ўжылтыныт.
Конкурсышто участвоватлаш участниклан ава нерген почеламутым наизусть ойлымо видеороликым ВКонтакте социальный сетьыште #ДеньМатери-Мишкино хэштег дене вераҥдаш кўлын. Кок арня жапыште участник-влакын выступленийыштым «Мишкинский район Дворца культуры» группышто ончаш лийын.
Палемден кодаш кўлеш, тўҥалтыш класслаште тунемше участник-влак чылан сайын выступатленыт. Туныктышыштын, ача-аваштын, коча-куваваштын
кумылаҥдымышт почеш нуно ава нерген сылне деч сылне почеламутлам тунемыныт да сайын лудыныт. Южо выступленийже посна сем дене сєрастаралтын. ВКонтакте социальный сетьышке ача-ава-влак шкешт вераҥденыт. 1 №-ан лицейыште тўҥалтыш класслаште туныктышо Сания Бикмухаметова
видеоролик-влакым чолган шындылын.
«Дарю тебе нежность» конкурсын итогшо почеш, 7 ияш гыч 11 ияш марте ийготан-влак коклаште икымше верым кандаш участниклан, кокымшо ден кумшо вер-влакымат икмыняр участниклан пуымо.
12-14 ияш-влак коклаште икымше верым Кемий гыч Анна Маникаева налын. 15 гыч 18 ияш марте конкурсант-влак коклаште икымше верым Аделина Кубагишева
(Кемий), кокымшым Мария Ишалина (Чорай) налыныт. Лудмо конкурсын чыла участникшылан умбакыжат творческий сеҥымашым, сай кумылым, шукырак куанле жапым тыланена.
Тиде рушарнян ме ик эн йєратыме пайремым - Аван кечыжым палемдена. Изи йоча-влак шке аваштым могайым ужыт - тидыжым «Мыйын йєратыме авам» сўрет конкурсышто ужаш лийын. Тыгай конкурс райцентрысе йоча садыш коштшо-влак коклаште эртаралтын. Сўретым А4 форматан кагазыште акварель, туш дене ыштыме.
Кажне йочалан аваже - эн мотор, ушан, поро улеш. Нуно шке сўретыштыштат чыла тидым почын ончыкташ тыршат. Йоча-влакын сўретлыме авашт пеш мотор лектыныт. Конкурсышто «Солнышко», «Василек», «Родничок» йоча садыш коштшо-влак чолган участвоватленыт. Эн шуко паша воспитатель Татьяна Гордееван самырык художникше-влак деч пурен («Родничок» 4 №-ан йоча сад).
- Конкурс пеш сай кумылым коден, - манеш Культура дворецын йоча-влак дене пашам ыштыше методист Марина Минилбаева. - Чыла сўрет темылан келшыше,
уло чон дене ыштыме.
Светлана ТОЙМУРЗИНА.