Келшымаш
+30 °С
Пылан
Все новости
Культура
11 Кылме 2021, 16:14

«Оҥгыр йўк» йоҥгалтын

29 октябрьыште Марий историй да тўвыра рўдерыште «Оҥгыр йўк» районный виш марий муро йоча музыкальный конкурс эртен

«Оҥгыр йўк» йоҥгалтын
«Оҥгыр йўк» йоҥгалтын

Конкурсым БР-се Калык-влак келшымаш пєртын филиалже - Марий историй да тўвыра рўдер да Мишкан районысо культура дворец эртареныт.
Мероприятий йоча-влакым марий муро-влакым мураш, марий культурым аралаш да шымлаш кумылаҥдаш, марий композитор-влакын произведенийлашт дене палдараш, нунын творческий шўлышыштым вияҥдаш виктаралтын.
Конкурсышто Мишкан да Пўрӧ районла гыч 12 йоча вийжым терген. Нуно ийгот шотышто кок тўшкалан шелылтыныт: 7 гыч 10 ияш марте йоча-влак да 11 гыч 14 ияш марте ўдыр-эрге-влак. Изирак-влак коклаште икымше верым Арина Апекова налын, Эрвина Байназова кокымшо лийын, Яна Петрова - кумшо. Кугурак-влак коклаште жюри Яна Изибаеван усталыкшым кўкшын аклен, тудо икымше лийын. Кокымшо верым Егор Шамаевлан пуымо, кумшым – Арина Имаевалан. Гран-Прим Милена Апекова сеҥен налын. Тудо жюрин кумылжым чылт савырен кертын улмаш. Ӱдырым тыгай сеҥымаш дене алал кумылын саламлена да ончыкыжым эшеат кугурак сеҥымашыш шуаш тыланена!
Посна тау мутым конкурсант-влакым ямдылыше-влаклан ойлымо шуэш. Вет йоча-влакым сайын мураш туныкташ куштылго огыл, тиде паша ятыр жап ден чытымашым йодеш. Тидлан усталык веле огыл, тыгак кумыл кўлеш. Жюри председатель, БР-се культурын заслуженный пашаеҥже Валерий Садретдинов тыге каласен: «Йоча-влакым тыгай конкурс-влак гоч марий культура да искусство деке шўмаҥдымаш суапле паша, лач тиде паша ончыкыжым марий йўла ден культурым арален кодаш да вияҥдаш йӧным ышта. Шочмо йылмым, йўлам, культурым йєраташ кумылаҥдымаш паша изи йоча гычак тўҥалшаш. «Оҥгыр йўк» конкурс тидлан ик эн сай йӧн».
Мыланна В. Садретдиновын мутшо дене келшаш да конкурслан волгыдо ончыкылыкым тыланаш кодеш.
Алексей ИБУЛАЕВ.

«Оҥгыр йўк» йоҥгалтын
«Оҥгыр йўк» йоҥгалтын
Автор:Вячеслав Камилянов