Келшымаш
+1 °С
Пылан
Все новости
Культура
1 Шыжа , 14:29

«Книга эмгудо»

Йоча модельный библиотекыште поро паша шагат эртен

«Книга эмгудо»

«Эмгудышто» библиотекарь дене пырля книга-влакым 1 классыште тунемше-влак «эмленыт». Мерприятий тўҥалтыште йоча-влак книга могай ужаш-влак гыч шогымым шарналтеныт.
Елена Князева тунемше-влаклан книган кўлешлыкше да пайдаже нерген умылтарен, книга нерген тушто-влакым туштен. Мероприятий вашеш «Книга эмгудо» выставкым ямдылен. Тушто тўрлӧ книга-влак верланеныт: у – «таза» книга-влак; «эмлымашым» йодшо книга-влак; «эмлыме» книга-влак. Нуным ончен лекмеке, йоча-влак шкат «черле» книга-влакым эмлаш тунемыныт. Нуно пўгалтме лаштык-влакым шымартеныт, комарлыше комым, кушкедалтше лаштык-влакым скотч але тыглай клей дене клеитленыт. Тиде кечын чылаже 29 книгам «эмлыме».
«Книга эмгудо» йоча-влаклан иканаште модмашат, пашат, шинчымашым погымо занятият. Тўҥжӧ – нуно книгам аклаш тунемыныт да чоныштышт нуным саклаш кумылышт шочеш.
В. АГЛЯМОВА (информацийым Е. Князева пуэн).

«Книга эмгудо»
Автор:Венера Аглямова