Келшымаш
-10 °С
Пылан
Все новости
Культура
24 Сентябрьыште 2021, 11:51

«Пушкин карте»

Башкирийыште илыше самырык-влак театр, музей, концерт, лекторийлашке да моло культура мероприятийлашке «Пушкин карте» почеш тугок коштын кертыт

Тачысе кечылан тыгай картым 15 тўжем утла еҥ оформитлен. Ушештарена: «Пушкин карте» 1 сентябрь гыч пўтынь Россий мучко стартым налын, тудын почеш 14-22 ияш самырык еҥ-влак тўрлӧ культура мероприятийлашке – театр, музей, галерейлашке билет-влакым государство кўшеш налын кертыт.
Программышке 800 утла государственный да частный культура организаций пура. «Пушкин карте» Россий мучко вийыште лиеш. Программым илышыш шыҥдараш правительство 4 млрд наре теҥгем ойыра.
Тений картын номиналже 3 тўжем теҥге лиеш. Картым оформитлаш йодмашым «Госуслуги» порталыште личный кабинетыште пуаш лиеш. Картышке пуртымо оксам культура учреждений ден культура мероприятийлашке мияш гына кучылташ лиеш.
План почеш, карта дене сентябрь гыч декабрь марте пайдаланаш лиеш. Вес ий картын номиналже 5 тўжем теҥге лийшаш.
Башкортостан Республик проект деч ӧрдыжеш кодын огыл. «Госуслуги» портал гоч тунемше ден студент-влак тыгай картым шке налын кертыт. Республикыштына проектым илышыш шыҥдарымашке 21 государственный культура учреждений ушнен. Нунын коклаште 17 театрально-концертный организаций ден 4 музей улыт. Ешартыш йодышым тыгай адрес почеш рашемдаш лиеш: https://www.bashkortostan.ru/presscenter/news/391543.

«Пушкин карте»
Автор:Фирдаус Кадикова