Валентин Колумбым лудыныт

Валентин Колумбым лудына

Кугу Соказа модельный библиотека «Валентин Колумбым лудына» республиканский акцийыште участвоватлен. 2018 ий 3 майыште

марий поэт Валентин Колумбын шочмыжлан 83 ий темын.

Тиде кече вашеш «Валентин Колумбым лудына» лудмаш конкурс эртен. Ты мероприятийлан тыгаяк лўман выставка ямдылалтын, электронный презентаций ышталтын, тыгак поэтын почеламут сборникше-влак ончыкталтыныт.

Мероприятийышке Кугу Соказа школышто 1 гыч 6 класс марте тунемше-влак, туныктышо-влак Шакмаева Ирина Яковлевна, Янситова

Екатерина Сидоровна, Абликова Валентина Анатольевна, Тимиркаева Олеся Владимировна ўжылтыныт.

Презентаций полшымо дене йоча-влакым поэтын самырык пагытше, ача-аваже, о‰ай фамилийже да школышто тунемме жапше дене

палдарыме. Тыгак икымше почеламутшо кузе шочмо да творчествыже вия‰ толмо

нерген ойлымо.

Варажым Йошкар-Олаште Красноармейский уремысе ик пєртыштє тудлан сакыме мемориальный о‰а, Морко районысо Себеусад кыдалаш

школышто шарнымаш стела дене палдарыме. 1988 ийыште Марий Элысе республиканский юношеский библиотекылан В. Х. Колумбын лўмжым пуымо. 1998 ийыште «Колумб лўмеш музей-рўдер» государственный огыл учреждений ышталтын, а 2009 ий 17 ноябрьыште

«Финн-угор калык-влакын Валентин Колумб лўмеш историко-литературный музейыш» савырыме. Йошкар-Олаште Звездный микрорайонышто Колумб лўмеш у урем ышталтын. Морко поселкышто Колумб лўмеш урем уло. 1989 ий гыч кажне ийын «Колумб лудмаш» пайрем эртаралтеш. Себеусад кыдалаш школ В. Колумбын лўмжым нумалеш (официально огыл, а Морко район администраций вуйлатышын приказше дене гына).

Библиотекарь И. И. Апекова поэтын «Ава-влаклан» почеламутшым лудын. Вара конкурсын участникше-влак В. Колумбын почеламутшо-влакым марла да рушла лудыныт. Йоча-влакын выступленийыштым жюри аклен. Икымше верым 4 классыште тунемше Элина Янситовалан, кокымшо верым 3 классыште тунемше Никита Терушкинлан, кумшо верым 3 классыште тунемше Арина Имановалан пуымо. Се‰ыше-влак дипломым налыныт, а моло участник-влаклан сертификатым кучыктымо.

Самырык лудшо-влак уста поэт Валентин Колумбын творчествыж дене палыме лиймеке, тудын почеламут корнылажым колын, шочмо

кундемышт дене кугешнаш тў‰алыт манын ўшанен кодына. Поэт марий мландыште шочын-кушкын, шочмо йылме дене почеламут-влакым возаш тў‰алын. Тудын творчествыж деч посна таче марий литературым ужаш ок лий.

А. ГРИГОРЬЕВА.