Удырна-влак чыланат икымше лийыныт

Удырна-влак чыланат икымше лийыныт

Тунемшына-влак шочмо йылмым эн сайын палат

10-12 январьыште Уфа олаште Касим Аскарович Давлеткильдеев лўмеш республиканский художественный гимназий-интернатыште шочмо (татар, марий, чуваш, удмурт) йылме да литератур дене республиканский олимпиада эртыш. Мишкан районын чапшым аралаш марий йылме да литератур дене муниципальный этапыште се‰ыше кум тунемше миен: Тымбай школ гыч 9-ше классыште тунемше Анастасия Николаева (туныктышыжо Минаева Надежда Павловна), Чорай ялысе марий гимназий гыч 10-шо классыште тунемше Наталья Алексеева да 11-ше классыште тунемше Анастасия Миксонова (туныктышышт Иркабаева Олина Вячеславовна).

Марий йылме да литератур дене олимпиадыш Пошкырт кундемын 12 районжо гыч эн сай тунемше да шочмо йылмым йєратыше йоча-влак миеныт. Олимпиада кум этап дене эртен. Икымше этапыште тунемше-влак пуымо темылан сочиненийым возеныт. Кокымшо этапыште марий йылме да литератур дене шке шинчымашыштым ончыктеныт: тўрлє йодыш-влаклан вашештеныт; мут, муткылдыш, ойлончо-влакым лончыленыт. Кумшо этапыште пуымо текстлан йылме да литератур могырым тичмаш анализым ыштеныт. Мутат уке, чыла тиде заданийым ик кечыште ышташ куштылгак лийын огыл. Шкем кидыш налаш, уло шинчымашым ончыкташ кўлын.

12 январьыште олимпиадын закрытийже лие. Тушто кє се‰ыше да призер лийын, увертарышт. Каласаш кўлеш, мемнан ўдырна-влак, заданийлам тыршен ыштен, моло участник-влакым ше‰гелан коденыт да ончыл верыш лектыныт. Могай тиде куан, кунам сценыш дипломым налаш икте почеш весе Мишкан районын чевер ўдыржє-влак лектыныт. Уло кумылын Николаева Настям, Алексеева Наташам, Миксонова Настям да нунын туныктышышт-влакым икымше вер дене саламлена! Пе‰гыде тазалыкым, тунеммаште эшеат кугурак се‰ымашыш шуаш тыланена да шочмо йылме ден литературым эшеат чот тунемын, у кўкшытыш шуыт манын, ўшанен кодына. О. ИРКАБАЕВА.