Тыршышан да талантан-влакын изи элышт

Тыршышан да талантан-влакын изи элышт

Флорид Буляков лўмеш 1 №-ан лицейыште районысо школ директор-влакын семинарышт эртен

Директор-влакын вашлшиймашышт образованийын качествыжым нєлталмаште туныктышо-влакын рольыштым кугемдыме тема дене эртен. Вашлиймашын программыже моткоч поян лийын. Палемдыме тема дене директор-влак йыргешке ўстел йыр мутланеныт, виш уроклашке пуреныт, урок деч варасе мероприятийым онченыт.

Семинарын участникше-влакым лицейын директоржо Е. В. Малмыгин вашлийын да тунемме заведенийын историйже, лўмлє выпускникше-влак нерген ойлен.

Таче лицейыште 621 йоча тунемеш, 90 туныктышо пашам ышта. Шуко туныктышо икымше категориян, РФ общий образованийын почетный пашае‰же - 2, БР образованийын отличникше - 7, республикысе образований министрын Почетный грамотыж дене 8 туныктышо наградитлалтын.

Туныктышо-влак районный, республиканский, всероссийский конкурс, семинар да конференцийлаште участвоватлат. «2017 ийысе эн сай туныктышо» районный конкурсышто тў‰алтыш класслаште туныктышо Валентина Шамаева се‰ен, «Эн сай класс вуйлатыше» конкурсышто тў‰алтыш класслаште туныктышо Татьяна Петрова се‰ен, «2017 ийысе эн сай туныктышо» республиканский конкурсышто тў‰алтыш класслаште туныктышо Эльмира Газизова «Верность профессии» да «За успехи в преподавании в начальных классах» номинацийлаште се‰ышыш лектын да 20 эн сай туныктышо радамыш логалын.

Лицей шке пашаштыже талантан йоча-влаклан полшаш кугу верым ойра. Мемнан тунемшына-влак кодший республиканский, межрегиональный да всероссийский конкурс ден та‰асымашлаште 283 призовой верым налыныт.

130 тунемше школьник-влакын всероссийский олимпиадын муниципальный этапыштыже се‰ыше да призер радамыш лектын. Эльнара Газизуллина башкир йылме дене республиканский олимпиадыште призер лийын. Лицейын командыже физика дене «Кубок Башкортостана - 2017» республиканский турнирыште призерыш лектын.

Семинарын участникше-влаклан ятыр виш урок ден мастер-классым ямдылыме. Туныктышо Наталья Михайлова математика урокым А. С. Пушкинын произведенийлаже негызеш литература дене кылден. Наталья Валерьевна йоча-влак дене пырля планшетыште виртуальный доскам кучылтын да онлайн режим дене пашам ыштен. Урок жапыште тунемше-влак дене тўрлє йєным кучылтын: тўшкан, посна, мужыр дене да молат. Урок мучаште онлайн-тестым ыштеныт, результатым виртуальный доскаш луктыныт. Тушто йоча-влак шкеныштын чын да йо‰ылыш вашмутыштым пален налыныт.

Туныктышо Раушания Мусинан историй урокшо проблемно-поисковый лийын. Проблемым ончыктен, тунемше-влак туныктышышт дене пырля 1920-1921 ийласе жапым анализиролватленыт, НЭП-ыш куснымо амалым рашемденыт. Та‰астарыме таблицым кучылтын, НЭП-ын тў‰ положенийже-влак дене палыме лийыныт да иктешлымашым ыштеныт: Российлан тунам НЭП кўлеш лийын. Урокышто презентацийым, видео гыч ужашым да тунемше-влакын уверыштым кучылтмо.

Физикым туныктышо Альберт Исмагилов волгыдым линза гоч колтымо шотышто о‰ай опыт-влак дене йоча-влакын кумылыштым савырен. Тўшкан пашам ыштен, йоча-влак экраныште волгалтше предмет-влакым ыштеныт. Урокым ФГОС-ын йодмашыжлан келыштарыме: йоча-влак ямде информацийым налын огытыл, а ка‰ашен, опытын результатшым иктешлен, шкешт кўлеш уверым муыныт. Урокышто тыгак Единый государственный экзаменлан ямдылтмашке виктаралтше пашамат шуктымо.

Татьяна Сайпашеван англичан йылме урокыштыжо йоча-влак ончыкылыкым рашемдаш тыршеныт. «Ончыкылык жаппым ончыктымо йєн» грамматический материалым тунемын, йоча-влак мужыр дене граматичесмкий упражений-влакын ыштен, налме шинчымашыштым пе‰гыдемденыт.

Англичан йылмым туныктышо Алеся Кириллова мастер-классым эртарымыж годым тунемме процессыште электронный учебник-влакын ончыл радамыште улмышт, электронный учебник-влакын структурышт нерген ойлен, «TurboSite 1.7.1.» программа дене шкенжын электронный учебникым ыштымыж дене палдарен. Урокым колыштшо-влак теоретический ужаш деч вара практический ужашыш кусненыт да персональный компьютер дене «TurboSite 1.7.1.» программыште электронный учебникым ыштиыме чыла этапым эртеныт.

Химийым туныктышо Ольга Масновиева «Экзаменым стресс деч посна» тема дене класс шагатым эртарен.

Тў‰алтыш класслаште туныктышо Татьяна Петрова ача-ава-влак дене пашам ыштыме «Мы счастлиы, потомучто мы вместе» тренингым эртарен. Участник-влаклан тўрлє пашам пуымо. Паша группа-влак модыныт, сўретленыт, илышыште лийше тўрлє ситуаций-влакым ка‰ашеныт. Тыгай погынымаш поро шўлыш дене эртен.

Семинарын вес ужашыштыже «Тудо шочмо кундемым чапландарен» литературно-музыкальный композицийым ончыктымо. Тудо Флорид Буляковын творчествыжлан лўмлалтын. Мероприятий туныктышо-влакын Мишкан районын гимнжым мурымышт дене почылтын. Шке шарнымашышт дене палдараш Любовь Викторовна Ашиева ден Надежда Шакмаевна Салмиянова толыныт. Лицейыште тунемше-влак шке талантышт дене ончышо-влакын кумылыштым савыреныт.

Семинар мучаште йыргешке ўстел йыр мутланымаш лийын. Тушко онлайн-режим дене республикысе Образованийым вия‰дыше институтын старший преподавательже Сергей Лысов ушнен. Тудо Обрнадзорын лийшаш текшырымашыже шотышто директор-влакын йодышыштлан вашмутым пуэн.

Е. АНТОНОВА, директорын туныктымо да воспитатлыме паша шотышто заместительже.