Театр порын вашлийын

Театр порын вашлийын

Районышто чапланыше калык ансамбльын Театр идалык вашеш кугезе мландыш миен коштмыж нерген тудын вуйлатышыже Владимир Хамитов каласкала.

- Ме Йошкар-Олашке кастене миен шуынна, мемнам порын вашлийыч. Шуматкечын эрдене мемнан деке Тымбай ялын шочшыжо,

Марий Эл радион вўдышыжє Алефтина Кузнецова мийыш. Тудын дене пырля ме книга издательствыш мийышна. Директор Юрий

Соловьев издательство мучко экскурсийым эртарен. Ме шулдырак ак дене книга-влакым налын кертынна.

Сувенир-влакым ямдылыше «Энсай» фирмыште мемнам вуйлатыше Ираида Степанова вашлийын. Тудо марий тўр-влак дене пашам ышта. Россий Федераций Президентшын грантшым налын.

Мемнам тамле кочкыш дене марий рестораныште сийлышт. А кечывал деч вара М. Шкетан лўмеш марий театрыш мийышна, С. Чавайнын «Элнет» романже почеш ямдылыме спектакльым ончышна. А антракт годым шке сценыште выступатлышна. Ончышо-влак мемнам пеш шокшын вашлийыч.

Кокымшо кечын ме Евсеев лўмеш национальный музейыш мийышна. Тиде кечын мемнан дене пырля куратор Сергей Карпов

коштын. Музей пеш чот келшен. Кечывалым адак М. Шкетан театрыш мийышна. Марий артист-влак Михаил ден Екатерина Александровмыт мыланна театр мучко экскурсийым эртарышт. А кастене Марий самырык театрыште «Кай, кай, Йыванлан» комедийым ончышна. Спектакль деч вара театрын художественный вуйлатышыже Олег Иркабаев дене вашлиймаш эртыш.

Марий Элын рўдє олашкыже миен коштмына мыланна пеш кугу чон кєргє вийым пуэн. Тиде вий ончыкыжым пашанам эшеат саемден колташ полша манын ўшанен кодына, - манеш Владимир Хамитов.

Фирдаус КАДИКОВА.