Театр идалыкым иктешлена

Театр идалыкым иктешлена

Мутат уке, тиде ийыште театр дене гына огыл, а районысо художественный самодеятельность дене кылдалтше чыла творческий коллектив-влак пашам тыршен ыштеныт.

Тидыжым самодеятельный артист-влакын шумо сеҥымашыштат раш ончыкта - М. Салимов «Самырык йӱк» эстрада муро республиканский конкурсышто, а «Эрвел» куштышо калык ансамбль «Ший кандыра» межрегиональный фестивальыште Гран-прим; «Ручейки» калык фольклор ансамбль Руш муро да такмак XV межрегиональный пайремыште, «Акарт» калык фольклор ансамбль «Мый йӧратем тыйым, илыш!» кугурак тукым еҥ-влакын республиканский фестивальыште, А. Иванова «Ший памаш» финн-угор калык-влакын национальный эстрада муро VI виш межрегиональный фестиваль-конкурсышто, «У илыш» калык театр «Тамаша» театральный коллектив-влакын Ф. Касимован призшылан эртарыме республиканский фестивальыште икымше призовой вер-влакым налыныт.

24 гыч 26 январь марте Пўрє олаште эстрада муро да куштымаш «Чатлама йӱштӧ» XXV межрегиональный фестиваль-конкурс эртен. «Соло» номинацийыште 60 утла солист выступатлен. Мемнан районын чапшым Марсель Салимов ден Кристина Ильтимирова араленыт да дипломант лийыныт.

25 январьыште Культура дворецыште Театр идалык почылтын. Пайрем программыште районысо эн сай театральный коллектив-влак выступатленыт.

Кугу Шаде, Изи Накаряк культура пєрт-влакын, Янагуш, Карач клуб-влакын, «У илыш» марий калык театрын артистше-влак театр идалыкым почмаште ойыртемалтыныт.

20 февральыште Башгосфилармонийыште «Страницы истории Башкортостана» фестиваль-марафонышто Мишкан районын презентацийже эртен. Концерт программыште районын историйжым раш почын ончыктымо. Тушто калык коллектив-влак, эн сай солист да йоча коллектив-влак участвоватленыт.

14 мартыште районышто «Мый йӧратем тыйым, илыш!» кугурак тукым еҥ-влакын творчествышт республиканский фестиваль эртен. Тушто Аскын, Караидель, Кушнаренко, Нуриман, Бирск, Бурай, Благовещенск, Мишкан район-влак участвоватленыт. Фестивальын гала-концертше Уфаште эртен, тушко мемнан «Акарт» калык фольклор ансамбль ҥжылтын. Тудо 1 степенян диплом дене палемдалтын.

26 мартыште самырык талант-влак районный конкурс эртен. Тушто 33 солист, 4 вокальный коллектив, 19 куштышо коллектив - чылаже 194 еҥ участвоватлен.

19 апрельыште «Самырык йӱк - 2019» районный конкурс эртен. Тушто 15 гыч 35 ияш марте 10 самырык мурызо участвоватлен.

Эстрада мурым мурышо-влакын «Самырык йӱк» виш республиканский конкурс Караидель селаште эртен. Тушто М. Салимов Гран-прим, К. Ильтимирова III степенян дипломым налыныт, А. Захарова «Самая юная исполнительница» номинацийыште палемдалтын.

Март - апрельыште верлаште «Келшымаш караван», «Чумыр илыш - театр» художественный самодеятельный коллектив-влак коклаште районный фестиваль-влак эртеныт. Тушто Пӱнчер, Кӱрзе, Монар, Тымбай, Кугу Шаде, Чорай, Кугу Соказа Культура пӧрт-влакын, Ленинский, Йылыш, Озерка, Тӧҥгак, Татарбай, Карач клуб-влакын художественный самодеятельный коллективышт чолган участвоватленыт.

Апрельыште йоча садыш коштшо-влак коклаште «Мисс Очаровашка - 2019» конкурс эртен. Тушто райцентрысе йоча садлашке коштшо-влак участвоватленыт.

Изи Накаряк СДК пеленсе «Ручейки» калык фольклор ансамбль «Шошо Миколо» республиканский фольклор пайремыште участвоватлен. Тиде пайрем славян тиште кече кышкарыште Эльян селаште эртен. Коллектив Уфа оласе руш-влак соборын Тауштыме серышыж дене палемдалтын. Коллектив тыгак Новобелокатай селаште эртыше руш муро да такмак XV межрегиональный пайремыште I степенян дипломым налын.

Татарбай Культура пӧртыштє икымше гана «Играй, гармонь» районный конкурс татарла эртен. Тушто 6 ял - Татарбай, Терекей, Карач, Янагуш, Урьяде, Бабай гыч 11 гармонист участвоватлен. Участник-влак Почетный грамота да шарнымаш пӧлек дене палемдалтыныт.

Кеҥежым Пӱнчер воктене «Кушталташ йодеш чонемже» марий калык куштымо фестиваль-конкурс эртен. Ончычсо ийлаште тыгай пайремышке Калтаса, Краснокам, Нуриман, Бирск районласе коллектив-влак толыныт гын, тиде гана нунын деке Благовещенск да Нефтекамск олала гыч коллектив-влак ушненыт.

Июнь кыдалне Ардаш мландыште «Шокталте… шокталте» пайрем эртен. Тиде мероприятий Семык пайремлан лўмлалтын. Тушто Марий Эл, Татарстан республикыла гыч, Санкт-Петербург гыч, республикысе тӱрлӧ районла гыч артист-влак участвоватленыт.

Мемнан артистна-влак «Торатау йыйыны» икымше гана эртаралтше республиканский пайремыште участвоватленыт. Пайремыш РДК пашаеҥ-влак, Кугу Шаде СДК гыч «Ак калфак» фольклор коллектив, изак-шоляк Рим ден Дим Галимовмыт декоративно-прикладной искусство выставке дене, Янагуш ял гыч ИП Загитова каза шӧр гыч ямдылыме продукций дене миеныт.

Йоча-юношеский творчество республиканский конкурсышто Кӱрзе сельсоветысе Памаш клуб пеленсе художественный самодеятельный коллективын участницыже Анастасия Байгузина «Калык йӱла» номинацийыште дипломым налын.

Ш. Хаматдинуров лӱмеш виш районный конкурс тений икымше гана эртаралтын. Тушко республикысе тўрлє кундемла гыч шуко участник толын. Мемнан вокалистна-влак И. Арсланов ден А. Иванова II да III степенян дипломант лийыныт.

Октябрьыште Илиш районысо Верхнеяркеево селаште башкирский этнический культурын да кызытсе искусствын шуко жанран виш фестивальже эртен. Тушко республикысе 23 район гыч, тыгак Челябинск гыч коллектив-влак, прикладной искусствын мастерже-влак да художник-влак чумыргеныт. Тушто мемнан район гыч Кугу Шаде СДК-н «Ак шишма» фольклор коллективше III степеньян лауреат лийын, изак-шоляк Галимовмытын выставкышт I вер дене палемдалтын.

Марий Эл Республикыште «Ший памаш» финн-угор калык-влакын национальный эстрада муро VI виш межрегиональный фестиваль-конкурс эртен. Тушто Мишкан РДК-н самырык солистше-влак Анастасия Иванова ден Марсель Салимов участвоватленыт. Анастасия икымше верым, Марсель - кокымшым налыныт.

Ноябрьыште Уфаште I республиканский финн-угор фестиваль почылтын. Тушко республик гыч эн сай коллектив-влак ўжылтыныт. Нунын коклаште мемнан-влакат лийыныт: «Эрвел» куштышо калык ансамбль, «Ӱжара» вокальный калык ансамбль, «Мишкан кундем» квартет.

16 ноябрьыште мемнан район гыч самодеятельный коллектив-влакым Бурай мланде вашлийын. Бурай Культура пєртыштє мемнан артист-влак «Вич герой» композицийым ончыктеныт.

«У илыш» театрын артистше-влакым поснак палемдыме шуэш. Йоча да самырык театральный коллектив-влакын республиканский фестивальыште «У илыш» калык театр «За актерский ансамбль» номинацийыште дипломым налын, театральный коллектив-влакын Ф. Касимова лўмеш призшылан республиканский фестивальыште (Балтач селаште эртен) I верым налын.

Иктешлыше мероприятийлан, мутат уке, Театр идалыкым петырымаш шотлалтын. Тушто районысо клуб ден Культура пєрт-влакын коллективышт чолган участвоватленыт.

Театр ила, театр курымашлык! Театр идалык эртен гынат, театр мемнан деч нигуш ок кай.

Венера АГЛЯМОВА.