«Ший кандыра» пуналтын

«Ший кандыра» пуналтын

«Эрвел» куштышо калык ансамбль «Ший кандыра» межрегиональный фестиваль конкурсышто гран-прим налын

«Эрвел» куштышо калык ансамбльыште куштышо-влакын мастарлыкышт да чапышт шукертак республикыште гына огыл, а єрдыж кундемлаштат шарлен. Сценыште лывыла пєрдмышт, мотор вургемышт ончышо-влакын кумылыштым эре савыра.

Самырык куштызо-влак Ирина Имаеван вуйлатымыж почеш у деч у сеҥымашке шуыт. Черетан конкурсышто шумо

сеҥымаш нерген Ирина Елисеевна моткоч тыматлын ойла, пуйто тыгак лийшашым ончылгоч пален. А вет тушко шуаш мыняр пашам ыштыме, пӱжвӱдым йоктарыме, лач шкеже да куштышо-влак гына палат.

- Кажне конкурс мо дене гынат тургыжланаш, чон вургыжтараш таратыше улеш. Эрвел марий-влакын «Ший кандыра» межрегиональный фестиваль-конкурс мыланна поснак шерге. Мемнан репертуарыште шуко куштымаш уло, но тиде

конкурсышто ме куштымаш гоч калыкын историйжым, йӱлажым, культурыжым ончыкташ тыршена. Конкурс Башкирий, Удмуртий, Марий Эл, Татарстан, Свердловск область гыч 30 утла коллективым чумырен. Ме кок куштымашым ончыктенна: «Рвезылык» да «Кастене ял мучаште» (куштымаш-влакым С. Асмаев ден Ф. Гаскаров шынденыт).

Жюри член-влакын мутышт почеш, мемнан ансамбльна моло-влак коклаште профессионализмже да мастарлыкше дене вигак ойыртемалтын. «Эрвел» ансамбльыште куштышо куд мужыр моткоч сай кӱкшытым ончыктен.

Мый нунын тыршымыштлан да мастарлыкым ончыктымыштлан кугу таум каласем. Ме сценыште эре куштымаш дене илена. Вашке состав уэмдалтеш, кызыт куштышо-влак дене чеверласаш пеш неле, но нунын олмеш кушташ

йєратыше, уста рвезе-влак толыт манын ӱшанена.

Эше палемден кодаш кӱлеш, ты кечын игечыжат пеш мотор шоген. Участник-влак чыланат сайын выступатлаш тыршеныт. Жап шижде эртен. Ме пашаланна тыгай кӱкшӧ акым пуымыштлан пеш куаненна. Эрвел марий-влакын «Ший

кандыра» межрегиональный фестиваль-конкурсышто сценыште «Кандырам пунен куштымаш» номинацийыште гран-прим налаш куштылго огыл. Ирина Елисеевнам да тудын коллектившым тыгай кугу сеҥымаш дене шокшын саламлена.

Фирдаус КАДИКОВА.