Пырля пиалан улына да келшен илена!

Пырля пиалан улына да келшен илена!

Районысо художественный самодеятельность смотрышто 36 ялысе клуб ден Культура пєрт-влак участвоватленыт да жюрилан аклаш 320 номерым ончыктеныт

Тений ты мероприятийыште 600 е‰ участвоватлен. Жюри член-влак могай гына номерым ужын огытыл, чылажым ойленат шукташ огеш лий. Жюриште БР культурын заслуженный пашае‰же Равия Саматова, «Эрвел» куштышо калык ансамбльын балетмейстерже Ляйсан Ахматгареева ден художественный вуйлатышыже Надежда Кошиева лийыныт.

Сценышке лекме классический йєн (вўдышє лектеш да номерым увертара) утларак койын. Тушечын эн о‰айжым, шарнымашеш кодшыжым палемдыме шуэш. Изи Накаряк Культура пєртын коллективше чылт мє‰гысє обстановкым ыштен. Ялысе артист-влак родо-шочшо, лишыл е‰, пошкудо-влак дене ик суртыш чумырген, кас шинчымашым ончыктеныт. Сценарийым о‰айын ямдыленыт. Тыште такмакланат, куштымашланат, уна мурыланат, шке возымо почеламутланат вер лектын. Залыште шинчыше-влак нуным пеш шокшын вашлийыныт.

Монар ден Пўнчер СДК-влакын концерт номерышт о‰ай лийыныт. Кугу Шаде СДК национальный фольклорым ончыктен да ончышо-влакым эртыше жапыш пєртылтен.

Кўрзе СДК-н программыже поро да туныктымо сынан лектын. Еш поянлык нерген Сурт водыж ден ™штервоштырын мутланымышт гоч ончыктеныт. Нуно тошто шондыкым почыт да еш поянлыкым - кочан наградыжым, еш фотоальбомым, икымше йоча носким ончымышт годым мутланат. Йылыш клубын коллективше шке выступленийжым ик шўлыш дене эртарыме гай ончыктен. Куштымашым такмак вашталтен, вара мыскара номер, кужу муро калык чоным савыреныт. Тений смотрым уста солист-влак сєрастареныт. Тиде - Аделина Кубагишева ден Ангелина Исадыкова (Кемий СДК), Анастасия Иванова (Пўнчер СДК), Максим Андреев (Йылыш клуб), Анастасия Байгузина (Памаш клуб), Валерия Шамуратова, Анастасия Апекова (Кугу Соказа СДК). «Шонанпыл» (Арзамат клуб), «Полан аршаш» (Озерка клуб), «Изе‰ер» (Тымбай СДК), «Алан» (Тє‰гак клуб) да моло марий ансамбль-влак ий гыч ийыш мастарлыкыштым шуарен толыт, вургемыштым уэмдат.

Концерт программым инструментальный номер-влак сєрастареныт. Кўрзе СДК (квартет), Ардаш СДК («Ложкари» номер, баянист-влакын триошт) да молат. А мыняр тўрлє куштымаш ончыкталтын, жюрилан аклаш куштылго лийын огыл. Тыште марий йўла куштымаш, «Кандыра», кызытсе эстрадный куштымаш, кавказский, татарский да моло куштымаш-влак сєрал лийыныт.

Фестивальыште еш номер-влак поснак ойыртемалтыныт. Байрамаловмыт еш (Изи Накаряк СДК) весела такмак-влакым йо‰галтарен, Пайтара гыч ава ден ўдыр-влакын «Мой ангел» куштымашышт о‰ай лийын, «Мо тыгае еш» мурым Монар гыч Васингинмыт, Янситовмыт, Михайловмыт, Захаровмыт еш-влак сайын муреныт, Ардаш гыч Хамитовмыт ешын номерже чылалан келшен. 15 мартыште эн сай коллектив-влакын участвоватлымышт дене гала-концерт эртен. Чумыр конкурсым иктешлыме. Ялласе Культура пєрт-влак коклаште Гран-прим Изи Накаряк СДК налын, тудо тыгак «Эн сай сценарий» диплом дене палемдалтын.

Икымше степеньян дипломым Кугу Шаде СДК налын. Монар СДК кокымшо степенян дипломым налын, Пўнчер СДК - кумшо

лийын.

Тыгак Кугу Соказа СДК ден Кўрзе СДК палемдалтыныт. Ялласе клуб-влак коклаште Йылыш клублан шушо лийын огыл, Озерка клуб кумшо степенян диплом дене палемдалтын. Карач клуб «Высокое вокальное исполнительское мастерство» номинацийыште, Арзамат клуб «Сохранение традиции и внедрение новшеств» номинацийыште, Лепешкан клуб «Выход на качественно новый уровень» номинацийыште се‰еныт.

«За высокое исполнительское мастерство» номинацийыште Кемий гыч Аделина Кубагишева ден Ангелина Исадыкова, Памаш гыч Анастасия Байгузина, Кигазытамак гыч Айнур Хайдаршин, Монар гыч Сандра Шамаева ден Злата Захарова, Кугу Соказа гыч

Анастасия Апекова ден Валерия Шамратова палемдалтыныт. Йылыш гыч чыла жанрыштат ойыртемалтше Максим Андреев,

Пўнчер гыч уста мурызо Анастасия Иванова палемдалтыныт. Кумдан палыме мурызо, композитор, баянист Константин Зайнетдинов Изи Накаряк, Озерка, Арзамат артист-влаклан аккомпаниатр лийын. Тудлан «Неутомимый аккомпаниатор, лучший композитор» дипломым пуымо. Кугу Шаде СДК-н культорганизаторжо Рузиля Аллаяровалан «Лучший сценарист фольклорного жанра» дипломым да Кемий гыч Ильвина Баляевалан «Лучший ведущий» дипломым пуымо. Тенийсе районный смотр чыла шотыштат ойыртемалтын - участник-влакын чотыштат шукемын, концерт номер-влакын тўрлє да о‰ай улмыштат раш койыныт. Тыгак у талант-влак почылтыныт.

Марий КОНАР.