Мишкан калык уна-влакым вашлийын

Мишкан калык уна-влакым вашлийын

7 гыч 10 ноябрь марте Башкортостан Республик мучко «Чолман кундемын чевергўжє» финн-угор калык-влакын национальный

культурышт республиканский фестиваль шуйнен.

Тудо Янаул олаште торжественно почылтын. Фестиваль кышкарыште Краснокам районышто мотор марий ўдыр-влак конкурс эртен. Кугарнян пайрем Мишкан селашке куснен. Мемнан деке Башкортостан Республикысе эн сай коллектив-влак толыныт. Районысо Культура дворецын сценыштыже Калтаса район гыч «Марий кумыл» фольклор коллектив, Балтач район гыч «™жара» фольклор калык ансамбль, Благовещенск район гыч «О‰гыр йўк» марий фольклор ансамбль да моло выступатленыт. Районын чапшым Монар ялысе «Ший памаш», Ардаш ялысе «Акарт» фольклор калык коллектив-влак, Тымбай ялысе «Изе‰ер», Пўнчер ялысе «Вўд толкын» фольклор

коллектив-влак араленыт.

Фестиваль-конкурсын участникше ден уна-влакым Мишкан район муниципальный район администраций вуйлатыше Рустам Мусин ден РЦНЕТ сотрудничествын тўнямбал да регион-влак кокласе отделжын тў‰ методистше Ирек Ахмадеев саламленыт.

Нуно конкурсант-влаклан сайын выступатлаш, а ончышо-влаклан алал кумылым тыланеныт. Самодеятельный артист-влакын усталыкыштым кўкшє компетенциян жюри аклен. А коллектив-влак, мутат уке, чыланат виян да уста лийыныт. Калыкым нунын куштен-мурымышт веле огыл, тыгак ожсо да кызытсе марий вургем-влак сылнылыкышт дене куандареныт да єрыктареныт. Икманаш, конкурс-фестиваль театрализованный представлений сынан лийын да ончышо-влаклан ик татла эртен.

Выступлений-влак деч вара жюри иктешлымашым ыштен. «Ший мундыра» финн-угор калык фольклор коллектив-влак фестиваль-конкурсышто I степенян диплом дене Татышле районысо «Учы ныл» одо фольклор калык ансамбль палемдалтын, II степенян диплом дене – Краснокам районысо «Таныптўр сер» фольклор коллектив, III степенян диплом дене – Мишкан районысо «Акарт» фольклор калык коллектив. Калтаса районысо «Керей сем» фольклор коллективым, Балтач районысо «™жара» фольклор калык коллективым, Татышле районысо «Учы ныл» одо фольклор калык коллективым «БР-се калык-влак келшымаш пєртын» тауштыме серышыж дене палемдыме.

Тыге фестивальын эше ик этапше эртен. Тудо коллектив-влакланат, ончышо-влакланат ятыр куаным конден да волгыдо шарнымашым коден. «Чолман кундемын чевергўжє» финн-угор калык-влакын национальный культурышт республиканский фестиваль Татышле районышто мучашлалтын. Тушто шуматкечын «Кандыра» марий куштымаш конкурс эртен.

Алена ГРИГОРЬЕВА.