+19 °С
Ясно
Культура
31 Декабря 2020, 21:00
Кугезе мландыш унала
Пӧкленде ял гыч «Ленде» фольклор ансамбль Марий Элыште лийын.
Кугезе мландыш унала
Ансамбльын участникше-влаклан М. Шкетан лӱмеш марий драма театрыште оҥай экскурсийым эртареныт. Театр пашаеҥ-влак
нунылан мастерскойым, бутафорный, гримерный, аппаратный цех-влакым ончыктеныт. Театрын музейыштыже лийыныт. А кастене Мария Илибаеван «Ойырлена? Огына ойырло» пьесыж почеш шындыме спектакльым онченыт.
Вес кечын Марий книга издательствыште Марий Элын калык поэтше Геннадий Сабанцев (Ояр) дене вашлиймаш лийын. А Марий книга издательствын директоржо Юрий Соловьев уна-влаклан шулдо ак дене шуко марла книгам пуэн. Издательство деч вара пошкырт марий-влак Т. Евсеев лўмеш марий национальный музейыш миеныт. Тиде кечын Сеҥымашлан XXX идалык лӱмеш Культура Дворецыште Сеҥымашлан 75 ий темме вашеш «Салют, Победы!» фестивальым онченыт. Тиде кечын Оршанка да Шернур район-влак выступатленыт.
Кастене Оршанка районысо Кугунур ялыште «Ленде» ансамбль концертым ончыктен. Концерт деч вара верысе «Какшан сем» да «Чодыра сем» ансамбль-влакын коллективышт дене йыргешке ӱстел йыр мутланымаш лийын.
Марий Элыш экскурсий моткоч оҥай да пайдале лийын. Коллективлан кугезе-влакын мландышкышт экскурсийым организоватлыше Пєкленде ял клубын вуйлатышыже Л. Кутлукаевалан, Ардаш Культура пӧртын художественный вуйлатышыже В. Хамитовлан, Пєкленде библиотекын библиотекарьже Г. Хамитовалан, водитель В. Байназовлан кугу таум ойлат.
В. КАМИЛЯНОВ.
