Келшымаште – вий

Келшымаште – вий

Пайрем чынжымак сылне да моткоч ямле лийын! Тиде кечын Тӧргым сер эшеат чот моторештын, а эҥер куанен йоген.

Фольклор пайрем тиде эҥер деч вий-куатым налше 20 илемым ушен. Тӱрлӧ группа ден усталыклан поян коллектив-влак калыкым кечымучко ямле муро, чолга куштымаш, да кадем жап гычак шуйнен толшо марий йӱла дене палдареныт. Пайрем деч ончыч

южо еҥже ӧрынат каласен кертын: кундемыште шукерте огыл фольклор пайрем эртен, эше вес пайремыш калык погына мо? Но

марий калыкын йӱлаже нимучашдыме поян улмаш, калыклан чыла усталыкшым ончыкташ ик кече ок сите. Тидлан кӧра пайремышке пеш шуко еҥ погынен.

Коллектив-влакат шуко лийыныт. Пайремышке Кугу Соказа сельсовет сельский поселенийласе ялла гыч, Мишкан районысо Культура дворец гыч коллектив-влак миеныт. Фестивальым шкеныштын выступленийышт дене тыгак Пӱрӧ оласе «Виче марий» ансамбль да моло сєрастареныт.

Пайремын унаже-влакым Тӧргым эҥер гоч кийыше кӱварыште вашлийыныт. Калык ой почеш, лач тушто – Тӧргымдӱр ял воктене

верысе калыклан юзо вийым пуышо вер уло.

Вашлиймаш деч вара погынышо-влакым чапле пайрем дене районысо Совет секретарь Т. Коледина, Кугу Соказа сельсовет сельский поселений администраций вуйлатыше И. Айгузин саламленыт. Салам шомак деч вара волгыдо да йомартле пайрем тӱҥалын. Фестиваль ямлын эртен. Но тидын верч организатор-влаклан ятыр жап тыршаш пернен: сценым ямдылаш, ончышо-влаклан – теҥгыл-влакым, аппаратурым вераҥдаш, видеом возаш точка-влакым келыштараш, сценарийым возаш да моло... Вет сайын ямдылалтмаш деч посна пайрем пайрем ок лий.

Пайрем йырым-йырже уэшын ик гана верысе калыкым чумырен. Но яллаште илыше-влакым веле огыл. Тиде кечылан шочмо

вер-шӧрышкышт Тӧргым эҥер воктене шочын-кушшо, но торасе кундемлаште илыше марий-влакат пєртылыныт. Пайрем тидлан

пеш сай амалым ыштен. Ме ӱшанена: шочмо кундемышкышт толын кайымаш арам ок лий – нуно шочмо йылмышт дене йўлаштым

огыт мондо да икшывышт ден уныкаштымат марий йылме ден йӱла деке шӱмаҥдат.

Ямле сем ден муро-влак тиде кечын кас марте йоҥгеныт. Пайрем марий кас да марий дискотека дене мучашлалтын. Но фестивальын официальный ужашыж деч вара, кас тымыкым пудыртен, то ик вере, то вес вере уста гармонист ден мурызо-влак сылне марий сем ден марий муро-влакым йоҥгалтареныт. Тугеже калыклан мероприятий келшен. Икманаш, организатор-влак верысе марий-влаклан пеш сай пайремым пєлекленыт.

В. КОНДОГИН.