Келшымаш
+30 °С
Пылан
Все новости
Культура
16 Шыжа 2020, 14:43

Шоҥгылыкын мунло чурийже

Поро йӱла почеш ме икымше октябрьыште Илалше-влакын кечыштым палемдена. Тиде - уш-акыл, порылык да пагалымаш пайрем. Тиде кече мыланна илалше еҥ-влакын проблемыштым келгынрак ончалаш тарата.

Шоҥгылыкын мунло чурийже
Поро йӱла почеш ме икымше октябрьыште Илалше-влакын кечыштым палемдена. Тиде - уш-акыл, порылык да пагалымаш пайрем. Тиде кече мыланна илалше еҥ-влакын проблемыштым келгынрак ончалаш тарата.
Тиде кечым арам огыл ойырен налме. Вет шоҥгылык - шӧртньӧ жап маныт. Шыжымат шӧртньӧ дене таҥастарат. Санденак, очыни, кугурак тукымлан пайрем кечым шыжым пєлекленыт.
Еҥ-влак илалше-влаклан пайрем кечым ыштышаш нерген колымшо курым мучаште шонаш тӱҥалыныт. Рашрак каласаш гын, 1970 ийлаште тыгай ой лектын.
1992 ийыште Российыште шыжын кокымшо тылзыжын икымше кечыштыже ты пайремым пайремлаш тӱҥалме. Тидланже Верховный Совет Президиумын «О проблемах пожилых людей» пунчалже негызым пыштен.
Кугу Соказа ялыште Илалше-влакын кечышт кажне ийын пайремлалтеш. Теният 1 октябрьыште поро йўла почеш Культура пӧртыштӧ пайрем концерт шындалтын. Поро тыланымаш дене СДК директор С. Янышев выступатлен. Илалше еҥ-влакым ветеран-влак совет председатель Г. Сайпашева саламлен. Илалше еҥ-влакым «Соказа сем» ӱдырамаш вокальный ансамбль, музыкальный школын И. Шамуратова вуйлатыме ансамбль, А. Апекован вуйлатыме «Ош пеледыш» куштышо йоча коллектив куандареныт. Кувава-влаклан пӧлеклалтше почеламутым 2 классыште тунемше Д. Кутлуметов ойлен. Уна-влаклан концерт пеш келшен.
Илалше еҥ-влакын пайремышт идалыкыште ик гана лиеш, но ший ийготан-влак дене пашам ышташ кажне кечын лиеш да кӱлеш. Айста ик татлан пашанам ӧрдыжкӧ кораҥдена да лишыл еҥна, кова-кочана-влак деке йыҥгыртена. Вет нунылан пӧлек деч коч кылым кучымаш шерге…
О. ТИМИРКАЕВА, Кугу Соказа школ директорын воспитатлыме паша шотышто заместительже.