Келшымаш
+24 °С
Йӱр
Все новости
Ял озанлык
27 Сӱрем 2023, 10:05

Ял озанлык пашаеҥ-влак династий

Кажне айдемын илышыштыже еш, икшыве, сурт тўҥ верым налын шогат. А тиде еш тыглай огыл, а паша династий дене кылдалтын гын, тукым гыч тукымыш эстафета семын ик профессийымак ойырен налыт, тиде поро йўлашке савырна.

Кажне айдемын илышыштыже еш, икшыве, сурт тўҥ верым налын шогат. А тиде еш тыглай огыл, а паша династий дене кылдалтын гын, тукым гыч тукымыш эстафета семын ик профессийымак ойырен налыт, тиде поро йўлашке савырна.
Ял озанлыкыште механизатор, шофер, вольык ончышо, ветеринар династий-влак вашлиялтыт. Мишкан районышто тыгайже пеш шуко. Ял озанлык лач нунын кўшеш ила, пашам ышта.
Таче ме Кугу Соказа ял гыч ял озанлык пашам ыштыше Шакмаевмыт династий нерген ойлена. Тиде ешын кок тукымжын чумыр паша стажше 118 ийыш погына.
Шакмаева Мадина Васильевна - династийлан тўҥалтышым пыштен, Шакмаев Шайбак Шакмаевич - династийлан негызым пыштышын пелашыже, Шакмаев Геннадий Шайбакович - династийын вуйжо, династийлан тўҥалтышым пыштышын эргыже, Иманбаева (Шакмаева) Раиса Шайбаковна - династийын представительже, негызым пыштышын ўдыржӧ.
Шакмаевмыт династийлан тўҥалтышым 1931 ийыште шочшо Шакмаева Мадина Васильевна пыштен. Мадина Васильевнан аваже - Пайгалче ўмыржє мучко мландыште пашам ыштен, икшывыже-влакым ял озанлык пашалан туныктен. Шайбак Шакмаевичын ача-аваж семынак тудо Калинин лўмеш колхозым почмаште участвоватлен. Чаманаш веле кодеш, паша стажшым пеҥгыдемдыше документ аралалт кодын огыл, пожар годым колхоз правленийын зданийже дене пырля йўлен.
Мадина Васильевналан 11 ий теммеке, ачаже фронтыш каен, йоча-влакым воспитатлыме паша Пайгалче аваштын вачўмбаке возын (документ-влак аралалт кодын огытыл, архивыштат уке). Ту жапыште Пайгалче Калинин лўмеш колхозышто сӧснам ончен. Пашашке пеш эр каяш логалын. Школышто кум классым тунем пытарымеке, Мадина Васильевна тунеммым кудалтен, кугыеҥ-влак дене пырля пашам ышташ тўҥалын. Фермыште аваж олмеш ыштен. Паша корныжым 11 ияш тўҥалын. А кунам 15 ийым темен, моло самырык еҥ-влак дене пырля тудымат чодырам руаш, «Яман йылга» манмашке колтеныт (Сар деч вара самырык еҥ-влакым чодырам руаш, торфым лукташ колтеныт, тыгай «командировкым» калыкыште «Яман йылга» маныныт). Тиде пеш неле паша лийын. Сандене 1947 ийыште, Пайгалче ўдыржым чаманен, шке олмешыже сӧсна фермышке пашаш пуртен. Тунам кажне еҥ изинекак пашам ыштен кушкын. Варажым шуко ий, чылаже 39 ий, Мадина Васильевна Калинин лўмеш колхозын Кугу Соказа ялысе сєсна фермыштыже пашам ыштен. Пашам сайын ыштымыжлан медаль, социалистический таҥасымашын сеҥышыже значок-влак дене наградитлалтын. Чаманаш веле кодеш, тыгай награда-влак аралалтын огытыл. Пелашыже Шайбаков Шакмай Шайбакович дене шуко ий ваш келшен, икте-весым йӧратен, пагален иленыт. 1980 ийыште пелашыже ош тўням коден каен. Шакмай Шайбакович, моло самырык еҥ-влак семынак, 16 ияш гыч колхозышто пашам ышташ тўҥалын. Совет армийыште служитлен, армий деч вара шочмо колхозышкыжо пєртылын. Шала пашашке коштын. Телым фермыште скотниклан але терысым эрыктыше операторлан пашам ыштен, кеҥежым чоҥымо пашаште тыршен, выездной манме кўтым кўтен. Тыгай кўтўм район деч ӧрдыжкӧ, южгунам вес республикыш наҥгаеныт, палаткылаште иленыт. Тыгай годым тудо чот кылмен да черланен.
Шайбаковмыт ныл икшывым ончен-куштеныт. Кугурак ўдыр-влак, Дина ден Людмила, комсомол путевка дене Оренбург олашке каеныт, «Оренбургский текстиль» щелковый ткань комбинатыште пашам ыштеныт. Дина ден Людмила кужу жап пашам тыршен ыштымылан «Пашан ветеранже» медаль дене наградитлалтыныт.
Шакмаева Мадина Васильевнан эргыже, Шакмаев Геннадий Шайбакович, ача-ава корно дене каен. 20 ий Калинин лўмеш колхозышто шала пашам ыштен: телым фермыште скотниклан але терысым эрыктыше операторлан, кеҥежым чоҥымо пашаште але кўтым кўтымаште. Колхоз ден совхоз-влак шаланыме жапыште Геннадий Шайбакович Соказа ялысе школышко кочегарлан пашаш пурен да таче мартеат тушто пашам ышта. Кочегарын пашаже сезонный. Олтымо сезон пытымеке, кажне ийын «Кштаев С. Ш.» крестьян-фермер озанлыкыште шурно идымыште пашам ышта. Тиде озанлык Кугу Соказа ялыште верланен, ожно Калинин лўмеш колхоз лийын.
Паша династийлан негызым пыштыше М. В. Шакмаеван ўдыржӧ, Иманбаева (Шакмаева) Раиса Шайбаковна, паша корныжым 1986 ийыште Калинин лўмеш колхозышто доярка лийын тўҥалын. Таче «Кштаев С. Ш.» КФХ-ште дояркылан ышта. Тудын паша стажше 39 ият 6 тылзе.
Раиса Шайбаковна пашам тыршен ышта, сай результатыш шуеш. Коллективыште кугу пагалымашым сулен. Пашам ыштыме жапыштыже шкенжым сай могырым гына ончыкта. Тудо ушкалым машина дене лўштышє оператор-влак коклаште районный таҥасымашын сеҥышыже, республиканский конкурсын участницыже. Р. Ш. Иманбаева кажне ийын кўкшӧ паша лектышыш шуеш.
Районысо агропромышленный комплексыште пашам тыршен ыштымыжлан да сай лектышыш шумылан Иманбаева Раиса Шайбаковна икана веле огыл муниципальный район совет ден администрацийын Тауштымашыжым, Чап кагазшым налын, Башкортостан Республикысе ял озанлык министерствын Почетный грамотыж дене наградитлалтын.
«Кштаев С. Ш.» крестьян-фермер озанлыкын паша коллективше Раиса Шайбаковналан тыгай кўкшӧ наградым пуаш ходатайствым возен. 2020 ийыште Ял озанлык да перерабатыватлыше промышленность пашаеҥ-влакын кечышт годым тудо сулен налме наградыжым налын.
Э. ЯШПАЕВА, ял озанлык отделын тўҥ зоотехникше.

Ял озанлык пашаеҥ-влак династий
Ял озанлык пашаеҥ-влак династий
Автор:Фирдаус Кадикова