Шорыкйол веселан эртен

Шорыкйол пайремыш мияш ўжмашым налмеке, 6 январьыште ме корныш тарванышна. Тиде кече йўштє, но мотор лийын - кўшыч кече шыргыж ончен, кумылым нєлтен. Корно воктене лум дене леведалтше кож-влакым ужмеке, ушышко весела муро шкеак пура: «Мы едем, едем, едем в далекие края…». Мемнан корнына, конешне, пеш кужужак лийын огыл, но луман пасу гоч изи ялыш логалаш кўлын. Вашкыде кудалына, вет ондакырак лектынна: теле корнышто мо лийшашым ончылгоч палаш ок лий вет. Монар сельский поселенийын кум ялжым - Нергым, Монарым, Коракым эртышна. Коракым эртымеке, курыкыш эркын гына кўзена, шукат ышна кудал, ончылнына мотор ял копа пундашысе гай волгалте. Уремыш пурена, кажне сурт ончылно лум курчак-влак шогат. Рўдє уремын моторлыкшым ончен эртена, теве клуб воктеке лишемына. Машина гыч лектын шуктышна веле, Васлий кува-кугыза-влак икшывышт-влак дене пырля мемнам авырен нальыч. Клубыш єндалынак пуртышт. Мероприятий тўналме деч пел шагатлан ондакырак толын шуынна, ял калык дене мутланыме шуын. Ме йонгыдо зданийыш пурышна, тушто музикан сем почеш сылне марий вургемым чийыше ўдырамаш-влак мурым муреныт. Урем гыч пурымеке, зданий кєргылан шинча тунем шуо. Тушто шуко палыме чурий-влак койыт. Тиде - Маевка ял гыч толшо уна-влак лийыныт. «Сылвий» вокальный ансамбль пайремыш толын улмаш. Нуно репетицийым эртареныт, шке поян репертуарышт гыч икте почеш вес мурым йонгалтареныт. Оза-влак мурышо уна-влаклан мешатлаш огыл манын, пайрем сценарийыш тєрлатымаш-влакым пуртат, пеле йўк дене шыве-шыве мутланат. Мыланна корнымбачын шокшо чайым, тамле мелна дене, темлышт. Чай йўмє годым клуб кєргым тўткын ончыштам. Мый тиде ялышке икымше гана толынам. Марий тўс дене сєрастарыме пєрт кєргым ончен, Андреевка ялыште илыше-влак верч чынжымак куанен, конкурсын муниципальный этапшым иктешлыме годым публичный презентацийыште Монар сельсовет сельский поселений администрацийын пашажым виктарыше Дина Аликован выступленийжым шарналтышым. Тунам Дина Валерьевна ойлыш, тиде ялыште илыше-влакын полшен шогышышт пеш шуко улыт. Теве клубымак налаш. Клуб акрет годымак петыралтын улмаш. Яллан 100 ий теммым палемдыме деч вара верысе калык тошто клубым олмыктен, шкаланышт тўшка мероприятий-влакым, пайрем касым эртарыме верым почыныт. Тыге 2021 ий гыч тудо пашам ышташ тўналын. Тиддеч вара илыш ятырлан вестўрлемын: концерт-влак лийыт, моло мероприятий, тўшка погынымаш-влакым эртарат. Ялыште чылаже 27 ен ила. А Шорыкйол пайремыш ен- влак ятырлан шукырак погыненыт. Тиде ялыште шочын-кушшо да кызыт вес кундемлаште илыше-влак пайремлан толыныт. Маевка-влакат тыште шке еныш савырненыт. Кодший декабрьыште республиканский конкурсын муниципальный этапше эртен, но кок изи ял коклаште кыл ончычсо гаяк пенгыде кодын. Ушештарена, Маевка ялыште 58 ен ила. Кок ял вашла унала коштыт, пайрем-влакым пырля эртарат. Теве палемдыме жапыште мероприятий тўналын. Чылан сценышке онченыт. Тушто «Шорыкйол» изи спектакль тўналын. Верысе артист-влак марий-влакын тиде пайремлан ямдылалтмыштым ончыктеныт: ўдырамаш-влак пайрем ўстелым погеныт, тиде йўла дене кылдалтше муро-влакым муреныт, модыш-влакым ончыктеныт, мужедыныт. Артист-влак шке рольышкышт туге пурен шинчыныт, пуйто чынжымак тыге илат. Сандене чылажат моткоч ўшандарышын ончыкталтын. Ен-влакын совым рўж кырыме йўкеш помыжалтме гай лийым да тунам гына клубышто улмем шижым. Тидыже, очыни, верысе артист-влакын мастарлыкыштым аклыме эн кугу оценке. Ялыште клуб вуйлатыше уке. Кодший ял клубын пашажым шке кумылын Лидия Киляева виктарен шоген, тений Марина Исакова тиде пашам шукта. Нунын мутышт почеш, тиде мероприятийлан ик тылзе ончычак ямдылалташ тўналыныт. Артист-влак шке персонажышт дене палыме лийыныт, репетицийым эртареныт. Сценыште тиде кечын Светлана Иксанова (Кувавай), Юра Янсубаев (Суртоза), Раиса Валеева (Озавате), Лидия Киляева (Анук ўдыр), Валерий Ирбулатов (Васлий кугыза), Галя Яшкина (Васлий кува) мастарын модыныт. Йоча-влакын рольыштым Евгения Киляева, Аскольд Исаков да Марина Киляева келыштареныт. Пайрем мероприятийым вате-марий Марина ден Аркадий Исаковмыт устан вўденыт. Сценарийым моткоч сайын шонен ыштыме. Тышке чылажымат пуртымо, ончышо-влак дене модмаш поснак келшен. - Мемнан уста артистна-влаклан тау, - манеш ялыште илыше Галина Яшкина. Шорыкйол пайремын ик ужашыжлан сівлай-влакын сурт гыч суртыш коштмышт шотлалтеш. Мєчєр-влакым Васлий кува ден кугыза вуйлатеныт. Пайремын нине геройышт-влакым марий-влак пеш пагаленыт, кажне суртышто сайын вашлияш тыршеныт. Суртыш мєчєр-влак толыныт гын, тиде суртыш пиал, поянлык толеш. Андреевка ял мучко мурен-куштен сівлайвлак коштыныт, кажне суртыш пурен лектыныт. Варажым весела модмаш-влак тўналыныт. Мечым чумкаленыт, пырням пўчкыныт да молат. Спорт танасымаш-влак веселан эртеныт. Кандырам шупшын модмашке пайрем калык чылан гаяк ушнен. Шорыкйол пайремын ик тўн ужашыжлан, мутат уке, мужедмаш шотлалтеш. Вет мужедше-влак шушаш ий могай лийшаш нерген ойленыт. Кугурак-влак суртышто мо лийшашым палынешт, марлан кайыдыме ўдыр-влак ончыкылык пелашышт могай лийшашым да кунам марлан лекшашым умылынешт. Вичаште шорык йолым кучен мужедмашымат монден огытыл. Шурно поян шочшо манын, шурно каваным ушештарыше лум курык-влакым ыштеныт. О‰гыран имне деч посна ожно ик Шорыкйолат эртен огыл. Андреевка ялыштат он- гыран имне дене ял мучко кудалыштыныт. Имньым Аскольд Исаков устан виктарен. Яндар южышто шер теммешке модын юарлыме деч вара чылан шокшо клубыш пуреныт. Тыште мастарлыкым тергыме конкурс эртен. Тўрлє конкурс-влакым ямдылыме. Мурым муреныт, Шорыкйол пайрем сийым тамленыт. Тиде кечын Яшкинмыт ден Валерий Ирбулатовын ешышт пайрем ўстелвлакым погеныт. - Марий-влак Шорыкйолым акрет годсекак пайремленыт, - ойла Монар сельсовет сельский поселений администрацийын пашажым виктарыше Дина Аликова. - Сандене кызыт тиде пайрем марий калыкын йўла пайремжым арален да вия‰ден шогымо дене кылдалтын. Январь тўналтыштак марий яллаште сівлай-влак кошташ тўналыт. Нуно сурт еда пурен лектыт. А Андреевка ялыште, «Айык ял» конкурслан кєра ты пайремым пеш кугу кўкшытыштє, кумдан эртареныт.