«У ий чоҥештылмаш»

Мероприятийыште «Пилотдымо чоҥештылше аппарат-влак» йоча ушемыште шинчымашым погышо ўдыр-рвезе-влак усталыкыштым ончыктеныт. Тушко тыгак
Мишкан селасе 1 №-ан лицейыште 3 да 4 класслаште тунемше-влак ушненыт.
Таҥасымаш деч ончыч салам шомакым «Путник» йоча-юношеский туризм да экскурсий рўдер директор В. Князев ден ешартыш образованийын педагогшо Р. Николаев ойленыт. Пилотдымо аппарат-влакым виктараш туныктымо занятий-влак йоча-влакым тўрлє наукым шымлаш тараташ, техника дене сай йолташ
лияш туныкташ, у техникым конструироватлаш, у технологий-влакым шымалаш кумылаҥдаш виктаралтыныт. «У ий чоҥештылмаш» мероприятий ончылнат тыгай задаче-влакымак шындыме.
Таҥасымаш ийгот шотышто кок тўшкаште эртаралтын. «Пилотдымо чоҥештылше аппарат-влак» йоча ушем кум тылзе наре веле пашам ышта гынат, тушто уже ойыртемалтше йоча-влак улыт. Таҥасымаш тидым эше ик гана рашемден.
Кугурак ийготан-влак коклаште Богдан Александров сеҥен. Изирак-влак коклаште – Диана Гарифуллина. Таҥасымаш деч вара 3 класслаште тунемше-влакат Beta 65s да Геоскан Пионер квадрокоптер-влакым виктарен онченыт. Мероприятий мучаште Богдан Александров кок тўрлӧ коптер денат показательный выступленийым ончыктен.
Д. АЛИЕВА, «Путник» йоча-юношеский туризм да экскурсий рўдерын методистше.