Спортивный ориентирований

Тушто чылаже 96 йоча вийжым терген, спортсмен-влак ийгот шотышто кум тўшкалан шелылтыныт.
Старт деч ончыч кажне ориентировщиклан посна картым кучыктымо, тушто старт, котрольный пункт-влак, финиш вер ончыкталтыныт лийын. Могай КП-м кунам мушашым ориентировщик-влак шке рашемденыт. Нунын тўҥ задачышт тыгай лийын: палыдыме верыште кушто мо верланымым рашемдаш, котрольный пункт-влакым муаш да финишыш пӧртылаш.
Таҥасымашын результатше тыгай лийын: 12 ияш марте ўдыр-влак коклаште К. Яикбаева («Путник» рўдер) сеҥен, Д. Филиппова (Кўрзе ялысе школ) кокымшо лийын, К. Иликбаева («Путник» рўдер) – кумшо. Эрге-влак коклаште Д. Тукбаев (Монар ялысе школ) икымше лийын, А. Айкашев (Мишкан селасе 1 №-ан лицей) – кокымшо, Я. Абдуллин (Монар ялысе школ) – кумшо.
14 ияш марте спортсмен-влак коклаште Кугу Соказа ялысе школышто тунемше В. Зайниева ден 2 №-ан Мишкан кыдалаш школышто тунемше Е. Адышев сеҥеныт. А. Салмиярова (Изи Накаряк ялысе школ) ден Д. Сагадеев (Монар ялысе школ) кокымшо верлам налыныт. А. Яметова (Кўрзе ялысе школ) ден А. Мусагитов (Кугу Соказа ялысе школ) – кумшо вер-влакым.
16 ияш марте рвезе ден ўдыр-влак коклаште вер-влак тыге шелылтыныт: 1-ше вер – ўдыр-влак коклаште - Д. Айкашева («Путник» рўдер), рвезе-влак коклаште – Н. Васильев («Путник» рўдер); 2-шо вер – ўдыр-влак коклаште – П. Акмурзина («Монар» ялысе школ), рвезе-влак коклаште – А. Яманаев (Кўрзе ялысе школ); 3-шо вер – ўдыр-влак коклаште – Ямалдинова, рвезе-влак коклаште – А. Алаев (коктынат Кўрзе ялысе школышто тунемыт).
В. АГЛЯМОВА (материалым «Путник» рўдер пуэн).