Самырык эколог да чодырам эскерыше-влак республиканский слёт-конкурс

Кеҥеж каникул – каныме жап веле огыл, ты жапыште тўрлӧ республиканский мероприятийлаште вийым тергаш лиеш

22 гыч 26 июнь марте БР-се образований да наука, пўртўс поянлык дене пайдаланыме да экологий, чодыра озанлык министерство-влак да Республиканский эколого-биологический йоча рўдер XXVIII самырык эколог да школ лесничество-влакын членышт-влак кокласе республиканский слёт-конкурсым эртарен.

Кодшийсе отборочный этапын результатшым шотыш налын, мероприятийышке республик гыч 17 команда ўжылтын. Мишкан районын командыжымат ўжмє. Тушко пуреныт: ботаник – Анна Сайфуллина (2 №-ан Мишкан кыдалаш школ), почвовед – Ксения Глухова (2 №-ан Мишкан кыдалаш школ), гидробиолог – Руслана Хаматгалиева (Мишкан селасе 1 №-ан лицей), энтомолог – Ксения Байгузина (Ленинский ялысе школ).

Командым туныктышо-влак Ольга Александровна Масновиева (Мишкан селасе 1 №-ан лицей), Лилия Ярмитовна Шамшиярова (Лениский ялысе школ) да Ольга Михайловна Яшпаева (2 №-ан Мишкан кыдалаш школ) ямдыленыт.

Коронавирусный инфекций кумдан шарлымылан кєра слёт-конкурс кок этап дене эртаралтын. 22 гыч 23 июнь марте дистанционный этап эртен. Тушто команда-влак визитный карточкыштым ончыктеныт, чумыр экологический йодыш-влак почеш онлайн-собеседованийым эртеныт. Условий дене келшышын, команда шкеж дене палдараш видеороликым ончыктен. Тудын тематикыже тыгай лийын: «5 июнь – Экологын кечыже». Видеороликым О. Масновиева возен. Тиде конкурсышто командына 2-шо верым налын. Собеседование ZOOM гоч эртен. Тушто командына 30 балл гыч 24,5 баллым поген.

24-26 июньышто Уфа районышто верланыше «Локомотив» йоча тазартыме рўдерыште номинаций-влак почеш собеседований да практический занятий-влак эртаралтыныт. Тиде этапыште командым биологийым туныктышо О. Яшпаева вуйлатен. «Ботаника» номинацийыште Анна Сайфуллина посна участкылан геоботанический описанийым ыштен. Ксения Байгузина, энтомолог, жюрилан тўрлӧ насекомый-влакым поген да нунын лўмыштым рашемден. Руслана Хаматгалиева гидробиологий дене шинчымашыжым ончыктен. Глухова Ксения, почвовед, мландын могай улмыжым аклен. Заданий-влакым чыланат сайын шуктеныт да 80 балл гыч 60,5 баллым погеныт. Тиде уда огыл. «Ботаника», «Гидробиология» да «Почвоведение» номинацийлаште ўдырна-влак призёр лийыныт. Конкурсын чумыр итогшо почеш ме 3-шо верым налынна. Тиде пеш сай результат. Тидлан кєра командынам алал кумылын тауштена!

А. ШАМШИТОВА, «Путник» рўдерын методистше.

Автор:Фирдаус Кадикова