Келшымаш
+1 °С
Лум
Все новости
Тазалык
8 Пургыж 2023, 10:17

Кажне еҥ шоналтышаш...

3 февральыште Мишкан районышто «Айык ял 2022» республиканский конкурс кышкарыште аракам йўмашым ончылгоч кораҥдыме шотышто мероприятий эртен

Кажне еҥ шоналтышаш...
Кажне еҥ шоналтышаш...

Мероприятийым Пўрӧ оласе медико-фармацевтический колледжыште туныктышо-влак Лиана Садрисламова ден Лилия Закирова эртареныт.
Нунын дене вашлиймаш Монар ялысе школышто эртен. Туныктышо-влак тунемше-влаклан алкогольын могай удам кондымыжо нерген умылтареныт. Мероприятийыш тыгак Монар да Корак яллаште илыше-влак миеныт. Погынышо-влаклан «О влиянии алкоголя на организм человека» видеофильмым ончыктымо. Варажым профилактический буклет-влакым шалатыме.
Мероприятий йоча-влакым таза илышым илаш кумылаҥдаш виктаралтын. Алкогольын могай эҥгекым кондымыж нерген палымаш нунылан илышыштышт чын корным ойырен налаш полшышаш. Вет шке кидше дене шкенжын тазалыкшым нигєн лугыч ыштымыже ок шу.
Видеофильмым ончымо деч вара Лиана Фоатовна ден Лилия Закиевна вашлиймашке мийыше еҥ-влаклан антропометрийым эртареныт, шинча кӧргысӧ давленийыштым, сатурацийын кўкшытшым висеныт, спирометрийым, ЭКГ-м ыштеныт. Тидын годым эше ик гана аракан могай эҥгекым кондымыжо нерген умылтареныт.
Палдарыде ок лий, ятыр еҥ лач аракам йўаш йӧратымыжлан кӧра илыш дене эр чеверласа але нелын черлана, сусырга. Йўшӧ еҥ тўрлӧ эҥгекышке ятырлан чўчкыдынрак логалеш, вет тудын тўткылыкшӧ йомеш, коклан йўшӧ-влак сак лиймым йӧршын мондат. Эсогыл, машина йымакат логалыт. Аракам йўмылан кєра тыгак ятыр чер помыжалтеш, а чер, помыжалтеш гын, илышым лугычат ыштен кертеш. Сандене кажне еҥлан шке тазалыкшым эскерыман да алкоголь дене нимогай кылым кучаш тыршыман огыл.
Ушештарена, «Айык ял» республиканский конкурсым «Тўнямбал пошкырт курултай (конгресс»)», Башкортостан Республикысе еш, паша да калыкым социально аралыше, здравоохранений, образований да наука, спорт министерстве-влак Башкортостан Республик вуйлатышын грантше кушеш Башкортостан Республикысе граждан обществылан полыш фонд полшымо дене эртарат.
Мероприятийыште Пўрӧ оласе медико-фармацевтический колледжыште туныктышо-влак медик-влакын пашашт, тиде колледжыш тунемаш налме условий денат палдареныт да выпускник-влакым нунын деке тунемаш мияш ўжыныт. Тылеч вара тўрлє медицинский процедурым ыштыме шотышто мастер-классым ончыктеныт. Вашлиймаш мучаште Л. Садрисламова ден Л. Закирова ончыкылык абитуриент да вашлиймашке мийыше моло еҥ-влакын йодышыштлан вашмутым пуэныт.
Светлана ТОЙМУРЗИНА.

Кажне еҥ шоналтышаш...
Кажне еҥ шоналтышаш...
Кажне еҥ шоналтышаш...
Кажне еҥ шоналтышаш...
Автор:Светлана Тоймурзина