Ечыгорно дене тазалык верч

Спортивный мероприятий Всероссийский «Лум кечылан» да Башкортостан Республикысе спорт министерствылан 100 ий теммылан лўмлалтын.
Игече йўштырак лийын гынат, шуматкечын Сабантуй олыкышто пеш шуко еҥ погынен. Пайрем шўлышым пуртен, олык мучко ямле сем йоҥгалтын.
Тиде кечын ече дене таҥасымаш Мишкан районышто илыше ятыр еҥым ушен. Таҥасымашке тыгак Ӱпӧ да Пўрӧ олала гыч спортсмен-влак толыныт. Пеш шуко ечызе Монар сельсоветысе Корак ял гыч толын, вет нуно районын чапшым «Айык ял» конкурсын республиканский этапыштыже аралат.
Спортсмен-влак погынен шумеке, ик жап гыч ечыгорныш лекташ сигналым пуымо. Стартышке ийгот шотышто икмыняр тўшка дене лектыныт. Тиде кечын 40 ий деч кугурак-влак гына таҥасеныт. Трассын кужытшо 1, 2 да 5 километр лийын. Ечызе-влакын ойышт почеш, ечыгорно пеш сай лийын, тудын дене коштмаш кажне еҥын кумылжым нӧлталын. Трассе уна-влакланат моткоч келшен. Ечыгорно дене коштын савырнымеке, Сабантуй олыкышто чыланат уэш да уэш возалтыныт.
Ече дене куржмаште ойыртемалтше ден сеҥыше-влакым «Триумф» ФОК-н фойештыже палемдыме. Таҥасымашын результатше-влак ГТО АИС-ыш пурталтыт.
Т. ШАМИДАНОВА.