«Кидым ваш кучалын»

3 декабрьыште Инвалид-влакын тўнямбал кечышт палемдалтеш. «Триумф» физкультурно-тазартыме комплексыште тиде кечын йыргешке ўстел эртаралтын. Мероприятийым вўдышє-влак Л. Шакирова ден И. Айбердина тиде кечым кунам палемдаш тўналме нерген ойленыт. Инвалид-влак коклаште ме єрыктарыше пўрымашан, кєргє чон виян ен- влакым шуко вашлийына. Нуно кеч-могай нелылык гыч лекташ йєным муыт, чолга илышым намият, творчество дене заниматлалтыт. Йыргешке ўстел йыр мутланыше-влак инвалид-влак кокла гыч лекше кумдан палыме ен-влакын илыш корнышт дене палыме лийыныт, видеофильмым онченыт. Южо ен шочынак инвалид лиеш, а шукышт илышыште иктаж-могай туткарлан але черлан кєра тазалыкыштым локтылыт. Илыш ончыкта, инвалид-влак южгунам таза ен-влак деч кугырак кўкшытыш нєлталт кертыт. Йыргешке ўстел йыр чумыргышо-влакым район администраций вуйлатышын заместительже пашам шуктышо Д. Муратбаева саламлен. Тудо палемден, мемнан порысна – тыгай ен-влаклан кугырак верым ойыраш, мут денат, паша денат полшен шогаш. Нунын проблемышт деке обществым мелын савырыман. Мишкан районышто кажне ийын инвалид йоча-влаклан пайрем да спортивный мероприятий-влак эртаралтыт. Пытартыш ийлаште тыгай мероприятийлаш СВО участник-влакын икшывыштым ушаш тўналме. Специальный военный операцийыште инвалидыш савырныше-влаклан полшымо мера-влак нерген «Отечествым аралыше-влак» государственный фондын социальный координаторжо О. Юсупова выступатлен. «Мишкан районышто социальный участковый-влак служба» нерген социальный паша шотышто специалист А. Агеева ойлен. Калыклан паша верым ситарыше рўдерын ик задачыже – инвалид-влаклан пашам пуымаш. Тидын нерген Калыклан паша верым ситарыше республиканский рўдерын территориальный отделжын паша шотышто специалистше Л. Легостаева палдарен. 2025 ийыште инвалид-влаклан пенсий кузе палемдалтын, могай льгота-влак пуалтыныт, тидын нерген Мишкан районысо клиентский служба вуйлатышын заместительже Г. Кусюкбаев умылтарен. Инвалид йоча-влак моло-влак деч ойыртемалтшаш огытыл. Тыгай йоча-влакым туныктымо паша кузе мия, образований отдел начальник С. Александров ойлен. Погынышо-влак ончылно Мишкан рўдє районный больницын тўн врачше В. Гареев выступатлен. Вара Мишкан ЦРБ-н педиаторжо Т. Айгузиналан мутым пуымо. Тудо инвалид-влаклан реабилитаций темым тарватен. - Эмлаш лийдыме черле йоча – эн ончычак йоча, - каласен Татьяна Юрьевна. – Тудо шке танаш моло йоча-влак семынак модшаш, вияншаш, уым пален налшаш, школышто тунемшаш. Кажне икшывын йоча жапше лийшаш. Чер нунын деч шуко йєным шупшын налеш гынат, кугыен-влак нунын илышыштым саемдаш тыршышаш улыт. Йоча-влаклан ты кечын онай модмаш-влак эртаралтыныт, мастер-класс ончыкталтын. Йыргешке ўстел йыр погынышо-влаклан фейсбилдин эртаралтын. Тудым «Еш» службын психологшо Н. Карелина эртарен. Районысо Тўвыра полатын артистше-влак концертым ончыктеныт.

Светлана ТОЙМУРЗИНА.