Ава-влаклан вуйнам савена

«Ава» - кажне айдемылан эн шерге мут. Ава – икте веле лиеш. Тудо мемнам ончен кушта, айдеме лияш туныкта. Кугеммекат тудо мемнан эн лишыл енна семын кодеш. Ава эре умыла, канаш дене полша. Икманаш, ава ден икшывыже коклаште кыл нигунам ок к¢рылт – тудо курымешлан. Мероприятий туналтыште погынышо-влаклан социальный роликым ончыктымо. Варажым «Тылат, шерге авам» («Для тебя, родная мама») пайрем концерт туналын, тудым «Ава ден удыржº» («Мама с дочкой») почеламут дене Татьяна ден Анна Кузьминмыт почыныт. Пайрем мероприятийым Василий Кутлуметов ден Анастасия Ялкаева пеш устан да сылнын в¢деныт, пайрем ш¢лышым пурташ полшеныт. - Таче, пайрем кече вашеш, ме ава лийше чыла удырамашымат алал кумылын саламлена! – саламленыт в¢дышº-влак. Тылеч вара сценышке Мишкан район МР администраций вуйлатыше Лариса Александровам ¢жмº. Тудо посна шомакым специальный военный операцийыште кредалше салтак-влакын аваштлан ойлен, да чылаштланат чытымашым, сайлан ¢шаным тыланен. Салтак ава-влакым саламлымашке вудышº-влакат ушненыт: - Эргыштым специальный военный операцийышке ужатыше пагалыме ава-влак, таче, Аван кечыже вашеш, ме тыланда чытымашым, пенгыдылыкым да сайлан ¢шаным тыланена. Йºн дене пайдаланен, чылаландат вуйнам савена, - каласеныт Василий Кутлуметов ден Анастасия Ялкаева. Саламлымаш деч вара тауштыме серышым салтак ава-влаклан – Анисия Андреевалан, Зинаида Владимировналан, Татьяна Казаковалан, Мария Кочергиналан, Марта Саидовалан, Самига Тойметовалан, Алена да Нина Яндубаевалан кучыктымо. Икшыве-влакым сайын воспитатлымылан, еш да духовный поянлыкым аралымылан БР-се Мишкан район МР администрацийын тауштыме серышыж дене Элита Алиева, Юлия Бочкарева, Татьяна Губеева да Тамара Князева палемдалтыныт. Чолга гражданский позициян, поро кумылан улмыжлан БР-се Мишкан район МР администрацийын тауштыме серышыж дене Алена Калиевам палемдыме. А. Калиева медицина пашаен улеш. Пелашыж дене коктын кок эргым куштат. Кызыт кумшо икшывым вучат. Пайрем вашеш шуко икшыван ава-влакымат мондымо огыл. «Материнская слава» медаль да БР-се Мишкан район МР администрацийын тауштыме серышыж дене тиде кечын Олеся Алексеевам, Марина Аспаева, Вероника Зайнитдиновам, Олеся Сайфутдиновам, Екатерина Чечулинам, Валентина Ямидановам да Зинаида Яныбаевам палемдыме. Концертын программыже онай лийын. Артист-влак выступленийлан чыланат сайын ямдылалтыныт – вет нуно, кºм дыр огыл, а шкеныштын аваштым куандараш тыршеныт. Калык ончылно тиде кечын, мутлан, Ирина Имаева вуйлатыме «Эрвел» куштышо калык ансамбль да «Шанс» куштышо коллектив выступатленыт. Нуно хореографийышт дене поснак ойыртемалтыныт. «Фантики» куштышо коллективат ончышо-влакым куандарен кертын, тудо калыкым шкенжын нимучашдыме чолгалыкше дене ºрыктарен. Концертышке посна сылнылыкым Калык семузгар калык ансамбль пуртен. Ончышо-влаклан тыгак «Гармоний» да «Березка» мурышо ансамбль-влакын выступленийышт келшен. «Мишкан сем» мурышо калык ансамбль тиде кастене «Тауштем авамлан» марий мурым ныжылгын мурен. Мурышт дене ончышо-влакым тыгак Олесия Мусалина, Ирина Аликаева, Тамара Исадыкова, Алия Муртазина, Эльвира Шайдуллина, Анна Шамукаева, Руслан Янситов, Ильфак Арсланов да Азат Ханов куандареныт. Авам ятыр поэт моктен мурен, нунын лумеш суретым ятыр художник суретлен. Ава ден ешыже кажне йочалан эн шерге теме. Нуно эн лишыл е‰ышт нерген эре кумылын возат, аваштым алал кумыл дене суретлат. 7 гыч 26 ноябрь марте Мишкан районышто школышко эше кайыдыме йоча-влак коклаште «Йºратыме авам» («Мамочка, любимая») сурет конкурс эртен. Тудым Мишкан районысо тувыра полат эртарен. Конкурсын жюрижлан аклаш чылаже 44 паша пурен. Нуным утларакшым Мишкан селасе йоча садлашке коштшо йоча-влак суретленыт, икмыняр паша Новотроицкий ялысе клуб гоч толын. Жюри нине сурет-влакын онайлыкыштым, йоча-влакын творческий шулышан улмыштым палемден. Пайрем кечын нине сурет-влак РДК фойем сºрастареныт. Авашт дене пырля пайрем касыш изи художник-влак шкат миеныт. Нуно, пырля погынымеке, сурет выставке ончылно возалтыныт. Районысо т¢выра полатын фойештыже пайрем шулышым тунемше-влакат пуртеныт. Концерт деч ончыч районысо Тувыра полатын фойештыже тыгак Самырык Гвардийын чолгаенже-влак Сенымаш волонтер-влак дене пырля «Ава-влаклан открытке-влак» («Открытки матерям») акцийым эртареныт. Нуно пайремыш толшо-влаклан открыткым кучыктеныт да салам шомакым ойленыт. - Самырык-влакын тыгай акцийым эртарымыштлан, тыгак тудын организаторжо-влаклан кугу тау, пайрем вашеш мотор открыткым налмаш кумылым нºлталын, - палдарышт мемнам пайрем концертышке мийыше ава-влак. – Саламлымаш ден поро шомакат куандареныт. Мыланна аван кечыже – посна пайрем. Кызытсе саманыште, пашашкына вуйге пурен каен, ме икте-весыланна чучкыдын поро шомакым ойлаш мондена. А вет коклан тыгай шомак моткоч кулешан. Тидлан вудышº ден саламлыше-влаклан кугу тау. Концертат мыланна моткоч келшыш. Артист-влак ававлакым куандарашак тыршеныт. Икманаш, пайрем кажне аван кумылжым нºлталын.

Светлана ТОЙМУРЗИНА.