Усталыкыштым ончыктеныт

Фестиваль 20 ноябрьыште Тошто Балтач селаште эртен. Тушто Станислав Янышев вуйлатыме «Эрвий» коллектив мемнан лумлº драматургна Валерий Абукаевын «Каза, Тага да Пырыс» йомак-пьесыжым модын ончыктен. Роль-влакым Кугу Сокза ялысе школышто тунемше-влак модыныт: Арина Апекова, Ангелина Шамуратова, Матвей Салиев, Мирослав Манакаев, Марат Янситов, Анастасия Яркиева, Рада Парсаева, Екатерина Васюткина да Кристина Якупова. Представленийлан сем-влакым Анастасия Апекова ямдылен, волгыдо оформленийлан Радик Кайниев мутым кучен. Выступлений-влакым посна жюри аклен. Тушко пуреныт: РФ да БР искусствын заслуженный деятельже, Российын почетан кинематографистше, РФ да БР журналист ушемын членже, РФ культурын заслуженный пашаенже, Салават Юлаев лумеш орденын кавалерже Раис Исмагилов да Республиканский калык творчество р¢дерын театральный жанр шотышто вудышº специалистше Гульшат Ибатова. Жюри мемнан самырык артистна-влакын выступленийыштым кукшын аклен. Палемдыде кодаш ок лий: Башкортостан Республикыште «Эрвий» деч посна моло образцовый марий театр уке. Театрлан «Каза, Тага да Пырыс» йомак-пьесым шындаш «У илыш» марий калык театрын режиссержо Мария Минилбаева полшен. Тудо тыгак суфлер лийын. «Перезвон колокольчиков – Кынгыраузар сыны» республиканский йоча театр фестивальыш миен толмышт нерген тыге ойла: - «Эрвий» образцовый марий театр фестивальышке шкенжын «Образцовый» лумжым пенгыдемдаш миен. Тиде лумым тудо 2006 ийыште сулен налын. «Перезвон колокольчиков – Кынгыраузар сыны» республиканский йоча театр фестиваль йоча-влакым театральный культура да драматургий деке шумандаш, йоча да самырык-влакым театр полшымо дене воспитатлаш, йоча театральный коллектив-влакын профессиональный кукшытыштым нºлталаш виктаралтын. Фестивальыште участвоватлыше йоча-влак, конешне, чыланат артист огыт лий, но, сценыште модын, нуно ен ончылно шкеныштым кучаш, раш да яндарын ойлаш, ен дене мутланаш тунемыт. Школ пеленсе театрыште модмаш йоча-влаклан тыгак усталыкыштым почаш, чолгалыкыштым пайдале корно дене виктарен колташ полша. «Эрвий» образцовый марий театрын «Перезвон колокольчиков – Кынгыраузар сыны» республиканский йоча театр фестивальыште модын ончыктымо «Каза, Тага да Пырыс» пьеса нергенат икмыняр мутым каласыде кодаш ок лий. Тудым марий драматург, «Келшымаш» газетын пашаенже Валерий Абукаев 1991 ийыште возен. Пьеса тиде ийыштак «Чоя меран» лум дене Марий самырык театрыште шындалтын. 2023 ийыште тиде театрын сценышкыже уэшын «Каза, Тага да Пырыс» лум дене пºртылын. Пьеса марий калык йомак негызеш возалтын.

Светлана ТОЙМУРЗИНА.