«У вий» кокымшо лийын

Чын лияш гын, модмаш КВН дене марий команде-влакын регион-влак кокласе фестивальышт манылтын. Тушто Мишкан районын командыжат участвоватлен. Рашрак лияш гын, Ирсай ялысе кыдалаш школ пеленсе «У вий команде». Фестивальым Марий Эл Республикын тувыра, печать да калык-влакын пашашт шотышто министерстве полшымо дене Марий Эл Республикысе марий тувыра рудер организоватлен. Тушто ныл команде участвоватлен: Марий Эл Республик Шернур район гыч «Шернур патыр» команде (капитанже Алексей Горинов), Марий Эл Республик Морко район гыч «ªлºнгº» команде (Алевтина Токташева), Йошкар-Ола гыч «10-ка» команде (Игорь Попов) да Мишкан район гыч «У вий» команде (Янина Ишалина). Положений дене келшышын, команде-влак ончылгоч кум заданийлан ямдылалтыныт: «Визитке» (команде-влак шкешт дене палдареныт), «Разминке» (кажне команде соперник-влаклан кум йодышым пуэн, команде-влаклан тыгай йодыш-влаклан онай вашмутым пуаш кулын), «Сурт паша» («Йомак умбак, мый тембак...» темылан 7 минут марте кужыташ миниатюрым ончыкташ к¢лын). Модмаш Кугу Отечественный сарыште Сенымашлан 80 ий теммылан лумлалтын, тудын чумыр темыже «Марий патыр-влак тыште улыт!» манылтын. Команде-влакын выступленийыштым посна жюри аклен. Тушко тыгак БР-се Калык келшымаш пºрт ГБУ-н филиалже - Марий историй да тувыра рудерын тюн специалистше, «МММ» командын капитанже Алексей Васильевич Ибулаев пурен. Модмаш моткоч онай лийын. Мемнан «У вий» командына модмаш туналтыште изишак ºрмалген шоген гын, мучашлан «у вийым» налын да жюрим мыскара койышыж дене ºрыктарен кертын. Модмаште тений Морко район гыч «ªлºнгº» команде сенен. Нуно чынжымак эн йомартле да пусº уш-акылан лийыныт. «У вий» команде кокымшо лийын – тиде пеш сай результат. Кумшо верым жюри Йошкар-Оласе «10-ка» командылан пуэн. Нуно тений лушкыдынрак модыныт, рашрак лияш гын, выступленийлан палемдыме жапыш шынен огытыл, тидлан кºра жюри баллыштым иземден. Туге гынат, баллыштым иземдымаш нунылан интернет йуклымаште икымше верыш лекташ чаракым ыштен огыл. «10-ка» командын капитанже Игорь Попов тыгак эн п¢сº уш-акылан капитан семын палемдалтын. Шернур район гыч «Шернур патыр» команде нылымше верым налын. Эн мыскараче удырамаш номинацийыште Алевтина Токташева («ªлºнгº») палемдалтын, эн мыскараче пºръен номинацийыште - Денис Мамаев («Шернур патыр»). Ме Ирсай ялын командыжым кокымшо верым налмыж дене алал кумылын саламлена! Тудо районын чапшым чынжымак арален кертын. Ушештарыде ок лий – шошым Мишкан селаште эртыше КВН дене модмаште «У вий» икымше лийын. Командышке пурат: Янина Ишалина, Арина Адылшина, Елеза Салиева, Надежда Алкечева, Снежана Алиева, Елена Ижбулдина, Светлана Бикнязева да Надежда Александрова. Но тиде сенымаш «У вий» командын веле огыл, тидын верчын сцена деч ºрдыжтº кодшо-влакат кучедалыныт: Мишкан район МР администраций, Мишкан районысо Образований отдел, Ирсай ялысе Алексей Искандаров лумеш школ администраций, Марий историй да тувыра рудер, водитель-влак. Палемден кодыде ок лий – КВН дене модмо кечын Марий тувыра рудер пелен «Весела кудыр» КВН ушемым ыштыме. Вашлиймашке КВН дене марий команде-влакын капитаныштым ужмº. Башкортостан Республик лум дене тушто Арсений Андреев, Янина Ишалина да Алексей Ибулаев участвоватленыт. Вашлиймаште тыгак «Весела кудыр» ушемын советшым ойырымо.

Д. ВЛАДИМИРОВА, Марий ИКЦ-н методистше.