Кужу умыран удырамаш

Сенымашлан 80 ий темме вашеш ме Кугу Отечественный сарын участникше-влакым веле огыл, ту жапыште кушшо да илыше-влакымат шарналтена. Тиде тукымын йоча да самырык жапше пиалан да йомартле лийын огыл, нунылан изинек ятыр нелылыкым чыташ, ачаштым, изаштым пытартыш корныш ужаташ, кугу ойгым чыташ пернен. Мом манаш? Сар нигºм чаманен огыл. Сар деч варасе илышат моткоч неле лийын. Анастасия Садыковна Шамиданова 1930 ийыште Кушыл Шогертен ялыште шочын. Пиаланлан удырын икымше латик ийжым гына шотлаш лиеш. Но ту жапыштат илыш куштылго лийын огыл. Кугу Отечественный сар туналмеке, ачаже фронтыш каен. Авашт шкетын икшыве-влак дене кодын. Но йоча-влакым ончымо деч посна тудлан кечыгут дене колхоз пасушто пашам ышташ пернен. Анастасияланат канаш жап лийын огыл. Ту жапыште латик ияш йоча пашам ыштен кертшылан шотлалтын. Школ деч вара йоча-влак чылан колхоз пасушто тыршеныт. - Ме, ялысе икшыве-влак, кенеж гоч колхозышто пашам ыштенна - шукым сомыленна, вудым шавенна, авана-влаклан фермыште полшенна. Пасумат куралаш, пуымат ямдылаш пернен, тыгак кугыен-влак дене иктºр шудым соленна, погенна. Пºръен-влак фронтыш кайымеке, уло нелылык авана-влакын вачумбакышт возын, мыланнат пашам ыштен кушкаш пернен, - ойла Анастасия Садыковна. - А кузе те Мишкан селан илышыже лийда? – йодым мый юбилярша дечын. - Йºратыме рвезем – Петр Шамарзановичлан марлан лектым. Тудым мый эре эн сай пример семын ужынам да ужам. Петр самырыкше годым комбайнер лийын ыштен. Передовик лийын. Мый тудын полышкалышыжлан логалынам. Тыге коклаштына «паша йºратымаш тул» ылыжын. Ик жап гыч самырык-влак мужыраныныт. Нунын Валерий эргышт шочын. Марлан лекмекыже, Анастасия Садыковна столовыйышко техничкылан пашаш пурен. Эргыже шочмеке, декретыште кужу жап шинчен огыл – пашашке ужыныт. Кызыт Анастасия Садыковна эргыже да шешкыж дене пырля ила. - Авалийшемым ешыштына чыланат йºратат - икшывына, уныкана-влакат, - ойла юбиляршан Анисия шешкыже. – Ме пырля уже 50 ий илена. Анастасия Садыковна мылам шочмо авамым вашталтен, турлº тамле кочышым шолташ да куэшташ туныктен. Икшывына да уныкана-влак чылажымат кумылын кочкыт. Анастасия Садыковнам чапле юбилейже дене саламлаш Мишкан районысо Сарын, пашан, Вооруженный Вийын да законым аралыше органын ветеранже-влак советын председательже Юлия Балахнина ден Мишкан район сельский поселений администраций вуйлатышын заместительже Ринат Набиев миеныт. Нуно юбиляршылан пºлек ден Россий Федерацийын Президентше Владимир Владимирович Путин да Башкортостан Республик вуйлатыше Радий Фаритович Хабиров лум дене салам серышым кучыктеныт.

Венера АГЛЯМОВА.