Писынрак! Кўшкырак! Виянрак!

Тушто Аскын, Балтач, Бурай, Калтаса, Краснокам, Караидель, Мишкан, Татышле, Янаул районла гыч, Нефтекамск да Агидель олала гыч 11 команде участвоватлен. Мероприятий районысо Тўвыра полатыште почылтын. Тиде кечын мый икымше гана «залыште олмалан камвозашат вер лийын огыл» манме ойын могай улмыжым ужынам. Спартакиадыште чылаже 237 ен участвоватлен, мемнан район гыч 27 спортсмен лийын. Мероприятийым почмаште почетан уна-влак лийыныт: образований пашаен-влак республиканский профсоюз организацийын советникше Наиль Нурмухаметов, Мишкан район муниципальный район совет председатель Валерий Гареев, районысо образований отдел начальник Сергей Александров, районысо физический культура да спорт комитетын председательже Алена Фатхинурова. Нуно спортсмен-влаклан сенымашым тыланеныт. Спортсмен-влак вич номинацийыште танасеныт: волейбол, дартс, ече дене куржмаш, лўйкалымаш да иймаш. Танасымаш-влак Ирсай кыдалаш школын, агропромышленный колледжын, 1 №-ан лицейын, ДЮСШ-н спортзаллаштышт эртеныт. Ече дене Сабантуй олыкышто танасеныт, иймаш да лўйкалымаш дене - «Триумф» ФОК-што, дартс - «Путник» рўдерыште эртеныт. Судейский коллегийыште 32 ен лийын гынат, чотак пўжалташышт логалын. Организатор-влак 1 №-ан лицейыште да 2 №-ан ПМШ-ште тунемше-влаклан таум ойлат, нуно волейбол дене модмаште єрдыж судьян пашажым шуктеныт. Танасымашын итогшо почеш вер-влак тыге шеледалтыныт: Нефтекамск олан командыже сенышыш лектын, кокымшо вер мемнан спортсменнна-влаклан логалын, Караидель районын командыже кумшо лийын. Тиде кечын мемнан спортсменна-влак могай результатым ончыктеныт? Спортын кум видше дене (иймаш, ече дене куржмаш, дартс) мемнан командына икымше лийын, лўйкалымаште - ший медаль, волейбол дене ўдырамаш команде кумшо верым налын, пєръен-влак - визымше. Личный зачетышто ДЮСШ-н тренер-преподавательже Юрий Айгузинлан шушо лийын огыл, тудо ты кечын кум гана чемпион лийын (ече дене куржмаште, иймаште, дартсыште) ДЮСШ-н директоржо Роман Камаев дартс дене кокымшо верым, лўйкалымаште кумшым налын. Сеныше ден призер-влакым образований пашаен-влак профсоюзын Башкирский организацийжын дипломжо да кубокшо дене палемдыме. Эн сай спортсмен-влаклан тыгак окса премийым кучыктымо. Участник-влакым сайын выступатлымышт дене саламлена да ончыкыжым эшеат кугу кўкшытыш шуаш тыланена! Территориальный профсоюз организаций председатель-влак ойлат: Ирина Файрушина: «Нефтекамск оласе организаций тыгай кўкшытан танасымашым организоватлыше-влаклан кугу таум ойла. Тиде пеш кугу паша, тынар еным приниматлаш мыняр тыршаш кўлын. Пеш кугу тау!» Нурия Шакирова: «Караидель Ирина Тимиряевнан мутшо дене тўрыснек келша. Танасымашым эртараш пеш сай условийым ыштымылан кугу тау!» Эльвира: «Бурай мероприятийым организоватлыше-влаклан кугу таум ойла. Мишкан мландыште ме капна денат, чонна денат канышна».

Венера АГЛЯМОВА