«Удырамаш-влак совет: паша нигунам ок пыте»

Мероприятийым Мишкан районысо ўдырамаш-влак совет БР-се ўдырамаш-влак совет дене пырля организоватлен. Участник-влак пўсє йодышлам канашеныт, паша опытышт дене вашла палдареныт. Семинар тўналтыште СВО участник-влаклан, нунын ешыштлан Всероссийский шинча да пластический хирургий рўдерын директоржо, медицина наука доктор, БР-се ўдырамаш-влак ушем правленийын членже Ольга Оренбуркина поро кумыл текшырымашым эртарен. Семинарын пашаштыже Мишкан район муниципальный район администраций вуйлатышын икымше заместительже Лариса Александрова, БР-се ўдырамаш-влак ушем правленийын да президиумын членже, БР наукын заслуженный деятельже, медицина наука доктор, профессор Наталия Егорова, БР-се калыклан полшышо республиканский рўдерын директоржо Эльвира Абдуллина, БР-се ўдырамаш-влакын аграрный ушемыштын председательже Лилия Кашфуллина, БР-се ўдырамаш-влак ушем председательын икымше заместительже Зухра Исмагилова, калыклан социальный полышым пуышо республиканский рўдерын Бирск район да Бирск оласе филиалжын директоржо Лариса Рощина, ял озанлык косультирований рўдерын вуйлатышыже Ирик Сакаев участвоватленыт. Мероприятийышке Аскын, Благовещенск, Караидель, Бирск, Бурай, Балтач, Калтаса, Татышле, Краснокам, Мишкан, Янаул районласе да Нефтекамск ден Агидель олаласе ўдырамаш-влак ушемын вуйлатышышт толыныт. Фойеште Мишкан районысо ўдырамаш-влак совет выставкым ыштен. Семинар Мишкан район администраций вуйлатышын заместительже Лариса Александрован саламлымашыж дене почылтын. Районысо ўдырамаш-влак ушем общественный да муниципальный организаций-влак дене келшен пашам ышта. Нунын кокла гыч иктыже Юлия Балахнинан вуйлатыме кугырак тукымын вашлийын мутланыме рўдер шотлалтеш. «Вдохновение» рўдерын икоян командыже сценыште район мучко экскурсийым эртарен. Уна-влакым «Башкортостан» муро дене Тўвыра полатын директоржо Азат Ханов саламлен. Варажым семинарын паша ужашыже - йыргешке ўстел йыр мутланымаш тўналын. Участник-влак икте-весышт дене палыме лийыныт, паша опытышт дене палдареныт. Семинарын участникше-влак Татьяна Кондогина ден Ильсияр Проскурякован выступленийыштым колыштыныт. Погынышо-влак ончылно Башкортостан Республикысе ўдырамаш-влак ушемын председательже Рашида Султанова, тудын заместительже Шамиля Каримова выступатленыт. Нуно Мишкан районышто ўдырамаш-влак движенийын пашаштыже чолгалыкым ончыктышо-влакым наградитленыт. Варажым мутым лектор-влаклан пуымо. «Таза обществым ыштымаште ўдырамашын рольжо» тема дене Наталия Егорова выступатлен. Эльвира Абдуллина БР-се калыклан - СВО участник-влаклан, шуко икшыван еш-влаклан, кугу ийготан-влаклан социальный полышым пуымо нерген ойлен. Лилия Кашфуллина «Ялысе ўдырамаш-влакын агропроизводствым организоватлымаште верышт» темым почын. Ончыч тиде сферыште утларакшым пєръен-влак тыршеныт гын, кызыт ўдырамаш-влак ончык лектыныт. Яллаште ўдырамаш предприниматель-влакым ыштымаш - государствын ик тўн цельже. Удырамаш-влак шкеныштын агробизнес проектыштлан полышым налыт, нуно у паша вервлакым почыт, калыкын илыш условийжым саемдат. Таче ял озанлыкыште ўдырамаш-влак пале верым налыт. Лилия Кабирова шке выступленийыштыже ўдырамаш-влаклан профессионально кушкашышт ончыкыжымат полшаш тўналына, манын палемден. Зухра Исмагилова госпитальлашке миен коштмыж нерген ойлен. Семинарын участникше-влак ўшанат, тыште канашыме йодыш-влак илышыш пурталтыт.

Светлана ТОЙМУРЗИНА.