Шкенан-влак дене пырля

Мероприятий Чорай сельсовет СП администраций вуйлатыше Галина Саймулукован саламлымашыж дене почылтын. - Тачысе кас поро шўлышан, поро кумылан, вет ме шочмо элым аралыше-влаклан вийна шутымо семын полышым ышташ чумыргенна. Тачысе мероприятий «Отечество» региональный мер толкынын темлымыже почеш, район администраций, верысе мер толкын-влак дене ик ойыш шуын эртаралтеш. Оргкомитетын да артист-влакын тыршымышт дене концерт пеш кўчык жапыште ямдылалтын. Концертышке сусыргымылан кєра отпускыш толшо фронтовик-влакым, фронтышто колышо салтак-влакын ача-аваштым, ватыштым ўжмє. - Мемнан тыныс илышна верч вуйыштым пыштыше салтак-влаклан вуйнам савена, - кошартен мутшым сельский поселений вуйлатыше. Залыште шинчыше-влак кынел шогалын, совым рўж кырен фронтышто колышо Сергей Айдонов ден Алексей Ямидановын аваштым вашлийыныт. Варажым ик минут шып шоген, колышо-влакым шарналтеныт. Поро кумыл концертыш толшо-влакым верысе карт Олег Миронов саламлен. Боевой действийын ветеранже-влакын социальный праваштым аралыше да самырык тукымым патриотический воспитатлыше «Отечество» региональный мер толкынын председательже В. Миронов СВО участник-влаклан полшымаште участвоватлыше Чорай сельсоветын Чорай, Пєкленде, Октябрь, Маевка, Раевка ялласе чолга ен-влаклан, марий гимназийын, Чорай врачебный амбулаторийын, сельсоветын коллективыштлан, Кугу Соказа, Ардаш, Тымбай сельсоветлаште илыше ен-влаклан Тауштымашым кучыктен. Мишкан район МР совет да администраций лўм дене район советын депутатше Алексей Ибулаев выступатлен. Гуманитарный полышым погымаште чолган участвоватлымылан район администрацийын тауштыме серышыжым Е. Саметовалан, Т. Тимиркаевалан, А. Андреевлан, Н. Шамагуловалан, Р. Сагадеевалан кучыктен. Концертыште марий гимназийыште тунемше-влак, Арсений Андреев, Елизавета Андреева, Валерий Садретдинов, Алексей Ибулаев, Светлана Каншаева, Алена Зайнитдинова, Денис Андриянов, Геннадий Тимиряев участвоватленыт. Калтаса район гыч боевой братствын представительже-влак толыныт. Погынышо-влак ончылно сусыргымылан кєра отпускыш толшо СВО участник выступатлен. «Отечество» РОО концертыште участвоватлыше кажне артистлан тауштыме серышым кучыктен. Тиде кастене 68500 тенге окса погалтын. Концерт деч вара артист да ўжмє уна-влаклан шокшо чайым йўктымє. Галина Андреевна тиде кастене Культура пєртыш толшо чыла енлан, ончышыланат, сценыште выступатлышыланат кугу таум каласен.

Фирдаус КАДИКОВА