Еш - эн шерге поянлык

Башкортостан республикын еш, паша да калыкым социально аралыше министерстве полшымо дене Уфа олаште «Шке еш» форум эртен. Тудо йоча ден подростко-влакым воспитатлыме, тазалыкыштым вияндыме йодышлан лўмдалтын. Тушко республикын тўрлє районлаж гыч еш-влак чумыргеныт. Мишкан район гыч тиде мероприятийыш Поповмыт еш миен. - Форумын программыже пеш поян лийын, - каласкала Ульяна Игорьевна. – Йоча ден ача-авалан тўрлє мастер-класс, врач-влакын тазалык нерген лекцийышт эртаралтыныт. Ача-ава образований, кугыжаныш полыш мера шотышто тугок консультацийым налын, тўрлє областьысе эксперт-влак дене тургыжландарыше йодышым канашен кертыныт. Форум кышкарыште «Коробка доброты» благотворительный акций эртаралтын: кумылан-влак республиканский йоча онкологий да гематологий рўдерын изи пациентше-влаклан модышым пєлеклен кертыныт. Мемнан Анна ўдырнат тиде акцийыш ушнен. Мылам визажист дек логалаш пиал шыргыжын да тугак еш мастерской-влакын онай пашашт дене палыме лийынам: сєрастарымаш, сувенир, пидме модыш. Вате-марий Ульяна ден Денис Поповмыт тыгай мероприятий пеш кўлешан, тудым чўчкыдынрак эртараш кўлеш, маныт. Поснак самырык еш-влаклан кугыжаныш ден обществын полышыжо кўлеш. Еш форумышто у шинчымашым налаш, тугак лишыл енетвлак дене жапым пырля да пайдалын эртараш йєн уло. «Шке еш» еш форумышто еш, паша да калыкым социально аралыше министр Ленара Иванова, Башкортостан Республикыште йоча-влакын правашт шотышто уполномоченный Ольга Панчихина, БР образований да наука министрын заместительже Инесса Косолапова, ГИБДД МВД управленийын БР-ште корнысо лўдыкшыдымылыкым пропагандироватлыше группын особый поручений шотышто старший инспекторжо, полиций майор Линар Зиннуров лийыныт. - «Демографий» мутын синонимже «еш» мут лийшаш, - шке выступленийыштыже каласен еш, паша да калыкым социально аралыше министр Ленара Иванова. - Чыла властьын да организацийын еш ориентированный политикышт деч посна мыланна илен лекташ ок лий.

Виктория ИШМУРЗИНА.