Верысе калыкле-тўвыра автономийын илышыже шолеш

Погынымашым автономийын председательже Валерий Байбулатов вўден. Погынымаште Мишкан район администраций вуйлатыше Павел Трапезников, администраций вуйлатышын икымше заместительже Лариса Александрова, Мер Канаш вуйлатышын заместительже, Янаул район «Эрвел марий» МНКА-н председательже Александр Гайсин, Марий ИКЦ-н тўн специалистше Алексей Ибулаев, районысо пошкырт-влак Курултай исполкомын вуйлатышыже Мунир Нурисламов, районысо татар-влак конгресс вуйлатышын заместительже Ханиф Шаймуратов, Мишкан районысо «Эрвел марий» МНКА советын членышт-влак да кумылан моло ен-влак участвоватленыт. Чылже 63 ен лийын. Погынышо-влакым Валерий Тимиргалиевич саламлен. Тудо верысе автономий - тиде икгай шонышан-влакым ушен шогышо мер организаций, манын палемден. Валерий Тимиргалиевич отчетный докладыштыже автономийын 2024 ийыште шуктымо пашажым тўрыснек почын ончыктен, шочмо йылмым, тўвырам, кугезына-влак деч аралалт толшо йўлам арален да виянден толмын кўлешлыкше нерген ойлен. Ий мучко шуко паша ышталтын, тўрлє проектым илышыш пуртымо. Автономийын членже-влак тўрлє мероприятийлаште участвоватлат. Погынымаште выступатлыше-влак илышын чыла шєрынжым авалтеныт. Мишкан селасе полилингвальный шуко профилян школ директор Станислав Хазиев туныктымо паша нерген докладым ыштен. Верысе самоуправленийын пашаж нерген Кугу Соказа сельсовет сельский поселений вуйлатыше Станислав Сергеев ойлен. Мишкан районышто спорт илыш виянеш. Тидын нерген физический культура, спорт, туризм да молодежный политика шотышто комитет председатель Алена Фатхинурова каласкален. Мемнан муниципалитетыште 15 тўрлє спорт чаплана. Кодший районышто 180 танасымаш эртен. Башкортостан Республикысе «Таза тукым - виян регион» региональный проект кышкарыште Мишкан район спортивный оборудованийым да школ-влак тўналтыш класслаште тунемше-влаклан кўлеш инвентарьым налыныт. Мишкан районысо ГТО тестирований рўдер «Пашалан да аралалташ ямде» Всероссийский физкультурно-спортивный комплексым этап дене шындарыме шотышто мероприятий план дене келшышын пашам ышта. Башкортостан Республикысе 63 муниципальный район да ола округ-влак коклаште мемнан район шымыше верым налеш. ГТО нормативым тўрлє знаклан 1 135 ен шуктен. Районысо тўвыра илыш нерген Тўвыра полатын калык творчество шотышто методистше Рауия Саматова каласкален. Тудо 2024 ийын итогшо дене да 2025 ийлан план дене палдарен. «Эрвел Марий» МНКА-н планыштыже - сельский поселений-влаклан Кугу Отечественный сарыште Сенымашлан - 80 ий темме лўмеш пайремым вашлияш ямдылалташ полшаш, СВО участник-влак да нунын ешышт дене вашлиймашым эртараш, СП администраций-влак дене пырля нунылан полышым ончыкташ, школышто тунемше да самырык-влак дене патриотический пашам намияш. Мероприятий мучаште автономий член-влаклан марий тўвырам вияндымаште надырым пыштымылан да мер пашам чолган шуктымылан «Эрвел Марий» республиканский, районный МНКА-влакын, МР Мишкан район администрацийын Таумутыштым кучыктеныт. Нунын коклаште ДЮСШ-ан тренерже Юрий Айгузин, предприниматель Юрий Александров, культура пашаен Светлана Каншаева, образований отделын методистше Наталья Шаркаева, туныктышо-влак Анжелика Юзикбаева, Ольга Муллашева, корреспондент Светлана Тоймурзина, Мишкан район сельский поселений-влакын вуйлатышышт Герман Байдимиров, Юлия Андреева, Станислав Саликов, Владимир Петров, Александр Ибатуллин да Станислав Сергеев лийыныт. Валерий Тимиргалиевич чылаштлан кугу таум ойлен: - Ончыкыжымат суапле пашам пырля шукташ тўналына манын ўшанем,- каласен тудо.

Светлана ТОЙМУРЗИНА.