Сар жапысе йоча-влак – Сенымашын йочашт-влак

Сенымашлан 80 ий темме вашеш ме Кугу Отечественный сар ветеранвлак нерген кугешнен ойлена, ынде нунын дене пырля сар жапыште шуко йєсым ужшо йоча-влак нергенат шарналтыме шуэш, вет нунын йоча жапышт кочо да неле лийын. Тиде тукым ветеран-влак дек лишыл улеш, сар да сар деч варасе жапым сайын шарна. Сар жапысе йоча-влак – тиде мемнан кувавана, кочана-влак. Сар нунын волгыдо, куан йоча жапыштым поген налын, пўрымашыштым эмгатен. Нунын пиалан илышышт 1941 ий 22 июньышто кўрылтын. Мемнан районышто сар жапысе 600 наре йоча ила. Эртыше кечылаште ме тугодсо, илышын йєсыжым чытен лекше Марфа Иманова, Менза Яныбаева, Алика Илиева, Пеналче Баязитова деке мийышна. Куанен каласена, нунын воктен йочашт, уныкашт, кугезе уныкашт улыт. Нунышт шокшо єндалтыш дене шергакан е‰ыштлан порылыкым, тыныслыкым, кужу ўмырым тыланат. Нине ўдырамаш-влак пеле шужен, шўкшє вургемым чиен, нелым, йўштым чытен илыме жапыштым шарналтат. Нуно аваштлан неле жапыште полшаш тыршеныт: изиракше суртышто, кугуракше – пасушто шурно вуйым , шудым погеныт, имне олмеш кычкалтын пасум куралыныт. Нуно паленыт - Сенымашым лишемдаш полшат. Тунам ни радио, ни телевизор лийын огыл. Чыла уверым почтальон-влак конденыт. Нине ўдырамаш-влак кокла гыч Яман-Елгаште, Свердловский областьыште торф лукмаште ыштыше-влак улыт. Могай пашаш колтеныт, тушто тыршеныт. Шукыштын ачашт фронтеш колен але йомын. Нунылан изинек кугемаш верештын, аваштлан э‰ертыш лийыныт. Шукынжо, ушан лийыныт гынат, образованийым налын кертын огытыл, тунемаш жапышт лийын огыл. Сар жапысе йоча-влак пашан ончыл енже лийыныт. Таче, Сенымашлан 80 ий темме вашеш, сар жапысе йоча-влаклан тау мутым каласыме шуэш. Нуно Сенымашым лишемдаш пеш кугу надырым пыштеныт. Таза лийза, воктенда эре шочшыда да лишыл енда-влак лийышт. Венера АГЛЯМОВА.

Редакций деч. Тиде материалым возымо деч вара медальым кучыктымо паша умбакыже шуйнен. Мишкан район МР вуйлатышын икымше заместительже Л. Г. Александрова, Мишкан сельсовет СП вуйлатыше Р. А. Ишмакаев, Мишкан сельсоветысе ветеран-влак советын председательже Х. Г. Гайфуллин Кугу Сенымашлан 80 ий темме лўмеш юбилейный медальым Гаймалетдинова Фаиза Фаисхановналан, Гиниатулина Шамсеруза Туктагуловналан, Дурнева Забира Галиулиновналан, Кусюкбаева Надежда Семеновналан, Михайлова Елизавета Павловналан да Шамиданова Анастасия Садыковналан кучыктеныт. Арзамат сельсовет СП вуйлатыше С. Н. Саликов медальым Яндимирова Меналче Ивановналан кучыктен. Кугу Соказа сельсовет вуйлатыше С. Г. Сергеев Милокова Кадича Ямбулатовналан кучыктен да 95 ияш юбилейже дене саламлен.