Принцесса ден рыцарь-влакын балышт

Кажне ўдыр чонжо дене принцесса улеш. Арамлан огыл йомак ден мультфильмлаште нунын нерген ойлат, ончыктат. Адакшым изи ўдыр-влак мотор вургемым, шке йырышт чыла мотор ышташ йєратат. Мероприятийым Мишкан район муниципальный район администраций, «Еш» служба, «Путник» йоча-юношеский туризм, экскурсий да патриотический воспитаний рўдер организоватленыт. «Путник» рўдерын педагогшо-влак йоча-влаклан творческий мастарлыкым ончыкташ чыла йєным ыштеныт. Пайремыш погынышо-влакым Мишкан район администраций вуйлатышын икымше заместительже Лариса Александрова саламлен. Тудо мероприятийыш шке икшывыштым кондышо ача-ава-влаклан, мероприятийым организоватлыше-влаклан тау мутым ойлен, шушаш Тўнямбал ўдырамаш кече дене саламлен да пенгыде тазалыкым, пиалым, ончыкылыклан ўшаным, поро кумылым тыланен. - Принцесса-влакын балышт – тыглай мероприятий огыл , тудо - юзо тўняш, йомакыш нангайыше приключений, - каласен «Путник» рўдерын методистше Надежда Шаркаева. – Мемнан бална молгунамсе семынак 8-ше март пайрем вашеш эртаралтеш да куан да весела шўлыш дене куандара. Уна-влаклан йоча модельный библиотекын да «Еш» службын пашаенже-влак тўрлє мастер-класслан посна вер-влакым ямдыленыт. Балышке кажне йоча йомак геройын костюмжо дене толын. «Путник» йоча-юношеский туризм, экскурсий да патриотический воспитаний рўдерын педагогшо да методистше-влак юж шарвлак гыч фотозоным ыштеныт, тушто шарнымаш снимкым ышташ лийын. Фотосессий йоча-влаклан пеш келшен. Йоча-влаклан лўмынак куштымаш да конкурс-влак программым ямдылыме. Улшо текшырымаш-влакым изи принцесса-влак сайын эртеныт. Нунылан полшаш рыцарь-влак лектыныт. Нуно ушан, виян, чолга, сайын лудын да мурен моштымыштым ончыктеныт. «Еш» службын специалистше-влак онай площадкым ямдыленыт. Тыште ошмаште шке кумылым ончыкташ лийын, тугак кид шўм дене тўрлє предметым палаш кўлын. Йоча-влак шке кидышт дене «Авамлан пєлек» открыткым ямдыленыт. Чиян кагаз да клей-карандашым кучылтын, ыштыме пєлек гоч шке чон шокшыштым да поро тыланымашым ончыктен, шке аваштлан открыткым кучыктеныт. Мероприятий мучаште эн вучымо жап – награждений лийын. Пайремыш толшо кажне йочалан спонсор-влакын оксашт дене налме пєлекым кучыктымо.

Светлана ТОЙМУРЗИНА.