«Ме таза илыш йўла верч»

Айык ял-влак коклаште вашлиймаш кышкарыште Аскын районысо Амирово ял ден Мишкан районысо Ардаш ял культура илышыште кылым кучымо нерген договорым подписатленыт. Ончыкыжым нуно тўрлє мероприятий-влакым пырля эртараш, вашла унала кошташ тўналыт. Ардаш Тўвыра пєртын артистше-влак - «Акарт» фольклор калык ансамбль, «Пырляште куан» калык инструмент-влак оркестр, «Памаш» еш ансамбль Амирово ялыште илыше-влакым сылне концерт дене куандареныт да «Айбашфест» район-влак кокласе телымсе спортивно-массовый мероприятийыште участвоватленыт. Тидын нерген Ардаш сельсовет СП вуйлатыше Радион Сайдуганов теве кузе ойла: - Мемнан республиканский конкурсышто участвоватлымын тўн цельже - ен-влакым орвуй дене шонаш да илышым вес шинча дене ончаш туныктымаш. Ме адак икте-весына дене ожнысо гаяк вашлийын мутланена, а Интернет да мобильный кыл гоч огыл. Аскын-влак айык ял конкурс кышкарыште пеш весела «Айбашфест» пайремым ямдыленыт. Тушко мемнамат ўжыныт. Тошто йўла почеш мемнам кинде-шинчал дене вашлийыныт. Пайрем пеш веселан эртен. Тушто ме шуко онайым пален налынна. Мутлан, Амирово ялыште илыше Дания ден Марат Шабановмыт еш ялыште туризмым вияндат. Кенежым Тюй энер мучко сплавым организоватлат. Нуно канаш толшо-влаклан чыла йєным ыштеныт - маршрутышто монча, кенеж кухньо вучат. Тений нуно мландым арендыш налыныт да Амирово ялыште тюбинг трассым почыныт. Ялын спорт площадкыштыже весела сем торашке шергылтын. Портышкемым чиен, шайба олмеш топ дене хоккей дене модыныт, кандырам шупшын танасеныт, калык модмаш-влак, весела эстафета, концерт программе, уремыште шолтымо плов, самовар ден шокшо чай - чылажат кумылым нєлтеныт. Тыгай весела пайремыш ўжмыштлан пеш куаненна. Тиде ялын моторлыкшо, историйже мемнам изишак єрыктареныт. «Айык ял» конкурс кышкарыште эртаралтше тыгай мероприятий-влак мемнан калыкна-влакын йўлашт дене палдарат. Ме ик республикыште илена, кажне муниципалитетын, кажне ялын шке ойыртемалтше йўлаже, койыш-шоктышыжо, кухньыжо.

Светлана ТОЙМУРЗИНА