Волгыдо да тыныс ончыкылык

Отечествым аралышын кечыже йоча садын воспитанникше-влаклан ойыртемалтше пайрем. Тиде кечын нуно ача, коча-влакым вашлийыт. Тиде пайремыш, молыгунамсе семынак, Мишкан районысо Те‰ыз братство ушнен. Нуно «Василек» йочасадыш да тудын филиалышкыже миеныт. Кок йочасадыштат пайремлан спортивно-музыкальный мероприятийым ямдыленыт. Йоча-влак муреныт, куштеныт, почеламутым лудыныт. Изи патриот-влакын военный формым чиен, Россий Федерацийын гимнжым наизусть тунемын мурымышт пайремлан посна шўлышым пуртен. Нуным ончен иктат йўштє шўм-чонан кодын кертын огыл. Тиде кечын чыла енын чурийыште шыргыжмаш лийын, шке йочаштым ача-коча куанен онченыт, волгыдо да тыныс ончыкылыкым ужыныт. Эстафетылаште участвоватлыше ача-коча-влак шке ийготыштым монден, изи йоча-влак дене иктанаш семын юарлен куржталыныт, йочаштын шке кид дене ыштыме пєлекыштлан куаненыт. Пєлек открыткым Теныз Братствыланат кучыктеныт. Нунышт йоча-влакым пайремыш ўжмыштлан тауштеныт да изи матрос-влаклан сєрастарыме энциклопедийым пєлекленыт. Теныз братство председательын алмаштышыже Вячеслав Сабиров «Василек» йочасадын филиалжылан «Моя родина – Башкортостан» книгам кучыктен. Тиде книган ончыл лаштыклаштыже Сенымашын 79 ийлан лўмлалтше парадыште участвоватлыше йочасадын воспитанникше-влакын фотографийышт. Сўретым ончен, ветеран да кушкын толшо тукым кокласе кылым ужаш лиеш, тидыже тыныс да волгыдо ончыкылыклан ўшаным конда.

Виктория ИШМУРЗИНА.