Патриотизм йоча жап гыч тўналеш

2025 ийым Российыште Отечествым аралышын идалыкшылан, Башкортостан Республикыште Специальный военный операцийын участникше-влаклан да нунын ешыштлан полшымо идалыклан увертарыме. «Геройын партше» проектлан негызым 2017 ийыште Красноярск олаште Государственный Думын депутатше Ю. Н. Швыткинын инициативыже почеш пыштыме. Проектын тўн цельже - самырык тукымым шочмо элын историйжым пагалаш, сарын да пашан геройжо-влакым аклаш туныкташ. Кугу Отечественный сарын, боевой действий-влакын участникыштын геройло примерышт негызеш шочмо элнам йєраташ, тудын дене кугешнаш кумыландаш. Школышто тунемше-влак кажне кечын парт коклаште шинчат. А геройын парт коклаштыже шинчыме годым тудын подвигше, илыш корныжо нерген пален налаш лиеш. Изи Накаряк школын кандаш выпускникше специальный военный операцийыште геройла колен. Теве нунын лўмышт: старший лейтенант Иван Каренгин (1989 ийыште шочын) изинекак военный лияш шонен. Школ деч вара Казаньысе высший танковый командный училищыш тунемаш пурен. 2022 ий 14 мартыште И. Каренгин специальный военный операцийыш логалын. Мужество орден дене наградитлалтын (колымеке); младший сержант Валерий Александров (1986) школышто тунеммыж годым «Десантник-влакын военно-спортивный клубышкышт» коштын. 2022 ий 25 сентябрьыште частичный мобилизаций дене призыватлалтын. Мужество орден дене наградитлалтын (колымеке); ефрейтор Борис Никитин (1978) 2022 ий октябрьыште шке кумылын контрактым подписатлен, кокымшо степенян «За воинскую доблесть», «За спасение погибающих» медаль-влак дене наградитлалтын; рядовой Евгений Александров (1983) школышто тунеммыж годым «Десантник-влакын военно-спортивный клубышкышт» коштын, 2022 ий 25 октябрь гыч мобилизаций дене СВО кундемыш каен; рядовой Алексей Адельшин (1992) частичный мобилизаций годым призыватлалтын. Мужество орден дене наградитлалтын (колымеке); младший лейтенант Иван Булатов (1996) 2022 ий 17 октябрьыште частичный мобилизаций годым призыватлалтын; рядовой Бенц Парсаев (2002) контракт почеш служитлен; рядовой Николай Кочергин (1983) 2024 ий сентябрьыште контрактым подписатлен, специальный военный операцийыш каен. Нине рвезе-влак лўмеш Изи Накаряк кыдалаш школышто герой-влакын партышт почылтын. Мероприятийыште район советын секретарьже Татьяна Коледина, районысо образований отделын методистше Алена Шаймарданова, Арзамат сельсовет администраций вуйлатыше Станислав Саликов участвоватленыт. Герой-влакын партыштым школ директор Игорь Ибаев ден герой салтак Алексей Адельшинын кокаже Жанна Салмиярова почыныт. Тиде парт коклашке эн ончыч шинчаш правам 11 классыште тунемше отличница, чолгаен, конкурс ден танасымашлаште участвоватлыше Алена Салмияровалан да спортсмен, муниципальный, региональный спортивный танасымаш-влакын призержо, кандаш классыште тунемше Савелий Ахматгалинлан пуымо. - Тиде парт историй кабинетыш шындалтеш, - каласен школ директор И. Ибаев. - Ме шкенан выпускникна-влакым эре шарнаш да кушкын толшо тукымлан примерыш кондаш тўналына. Мемнан коллективыште геройна-влакын родо-шочшышт пашам ыштат. Кертмына семын нунылан полшаш тўналына. Изи Накаряк школын выпускникше-влак шочмо элым аралаш лўдде шогалыныт да илышыштын пытартыш татше марте воинский порысыштлан ўшанле кодыныт. Ме нунын дене кугешнаш тў‰алына, нунын нерген поро шарнымаш эре чоныштына илаш тўналеш!

Венера АГЛЯМОВА