Илыш вийым пуа, пєртым ырыкта

Февраль тылзе тўрлє пайремлан да лўмлє кече-влаклан поян. Нунын коклаште калык йўла дене кылдалтше пайрем-влак кугу верым налыт. Мутлан, Сурт водыж кече, Ко‰га пайрем, Ўярня… Марий календарь почеш 12 февральыште Конга пайрем эртаралтеш. Ял илышыште конга эн тўн верым налеш. Теле йўштє годым конгаш олтет, пєрт ыра, чонлан ласка лиеш. Идалыкын моло жапыштыжат конга деч посна огеш лий - кочкаш шолтет, киндым кўэштат, черланыме годым конга шокшышто эмлалтат. Сандене конга дене кылдалтше калыкмут, тушто, йомак-влак шуко вашлиялтыт. Тиде гана конга пайремыш мемнан деке Пўрє ола гыч унавлак толыныт. Оласе 3 №-ан кыдалаш школышто 5 классыште тунемше-влакым ме ученик гына огыл, а самырык краевед манын кертына. Нуно «Вояж» туризм, экологий да каныме рўдерыште этнокраеведенийым шымлат. Йоча-влакым конга пайремыш «Вояж» рўдер пеленсе «Этнокраеведений» ушемын педагогшо Гарипова Альмира Саматовна конден. Уна-влак «Конга пайремым» икымше гана ужыныт да тудо моткоч чот келшен. Нуно тыгак Марий историй да тўвыра рўдер пеленсе интерактивный музейыште лийыныт. Самырык краевед-влак дене вашлиймаш икымше лийын огыл. Марий ИКЦ тыгай сынан мероприятий-влакым ятыр эртара. Бирский ГДК-ште да Бирский исторический музейыште мемнан участвоватлыме дене этноурок-влакым эртарыме. Палемден кодаш кўлеш, таче «Конга пайрем» калык коклаште ожсо семын кумдан шарлен огыл. Тидлан амалжат уло, ынде яллаштат пєртым электричество да газ дене ырыктат, конгам пужен кышкат. Но конгаш шолтымо кочкышым газ але электроплиташте шолтымо кочкыш ден от танастаре. Тиде пайремыште уна-влак конгаш кўэштме мелнам, перемечым, пўктышым тамлен онченыт. Нине кочкышым «МуроЭм» калык ансамбльын участникше-влак мєнгысє конгаштышт ямдылен конденыт. Ансамбль уна-влаклан марий мурым мурен, кандырам кушташ туныктымо мастер-классым эртарен.

Алексей ИБУЛАЕВ, Марий историй да тўвыра рўдерын тўн специалистше.