Пенгыде ешым арален коденыт

Пел курым пырля илыше мужыр-влакым пагалыде ок лий. Мишкан селаште илыше-влак Виталий Венияминович ден Гульзина Минлигареевна лач тынаре жап пырля илат. Шºртньº с¢анышт вашеш нунылан Башкортостан Республик вуйлатыше л¢м дене мотор чай сервиз ден салам серышым кучыктымо. Сурт омсаштым пералтымеке, Минилшевмыт мыйым шокшын вашлийыч, залыш эрташ ужыч. Пºрт кºргыштышт арулык озаланен, лум чарныде лумын гынат, оралтыштат эрын куалтын ыле. Сурт оза ден озавате коктынат поро кумылан улыт. Нунын дене кужу жап мутланен шинчаш лиеш. Мутланыме годым, кок ен дене огыл, а ик ен дене мутланымыла чучеш. Икманаш, витле ий пырля илымеке, нуно ик айдемыла лийыныт. Мутланаш тюналмеке, мый нунын дечын кузе палыме лиймышт да мужыранмышт нерген палдараш йодым. - Ме 1974 ийыште мыйын Крым гыч Мишканыш отпусклан толмем годым палыме лийна, - палдарыш Гульзина Минлигареевна. - Ик гана ужмем деч варак Гульназ ончыкылык пелашем лийшашым умылышым, - ешарыш Виталий Венияминович. Тылеч вара нуно кушечын улмыштым ойлышт. Виталий Минилшев 72 ий ончыч Тºргымдурышто шочын. Вениямин Минилшевич ден Атнас Аитовнан икымше икшывышт лийын. Почешыже кок шужарже да шольыжо шочыныт. Виталий Венияминович райпошто водитель лийын 1974 ий ноябрь гыч 2012 ий марте - пенсийыш лекмешкыже ыштен. Пашан ветеранже улеш. Гульзина Минлигареевна пелашыж дечын ныл ийлан рвезырак. Удыр фамилийже Тимиргалина. Тудо Шаран районысо Тошто Чекей ялыште шочын-кушкын. Ешыштыже вич икшыве гыч кокымшо лийын. Самырыкше годым Гульзина Крымыште виноград садыште пашам ыштен. 1974 ий шыжым отпуск жапыште Мишканышке Айсуло кокаж деке унала толын улмаш. Суртшо Виталийын паша верже деч тораште лийын огыл. Тыге самырык-влак вашлийыныт. Чылажат икте-весым ончалмаш гыч тюналын. Варажым мутланаш тюналыныт да ик жап гыч вате-марий лийшашыштым умыленыт. Крымыш каяш жап шумеке, удыр тушко паша гыч лекташ кайымыжым умылен. Тушечын пºртылмеке, Мишкан селасе пекарьныште ышташ тюналын. Тушто пенсийыш лекмешкыже тыршен. Самырык-влак 1974 ий ноябрьыште возалтыныт, а декабрьыште Тºргымдюрыштº суаным ыштеныт. Минилшевмыт шуко икшыван ача-ава улыт. Нуно вич икшывым ончен куштеныт: Вячеславым, Эдуардым, Дмитрийым, Василийым да Анатолийым. Кум икшывышт Мишкан селаштак ила да пашам ышта. Нуно, ачашт семын, водитель улыт. Вячеслав Витальевич ден Анатолий Витальевич Мишкан ЦРБ-ште пашам ыштат, Василий Витальевич – пожарный частьыште. Коча ден куваван кандаш уныкашт уло, нуно илалше-влакым эшеат кужурак ¢мырым илаш кумыланден шогат.

Светлана ТОЙМУРЗИНА.