Черым поктен колтена!

Мероприятий 10 декабрьыште эртен. ФАП-ым почмашке БР минздравын Бирский округысо тюн внештатный специалистше Айдар Хаматов, Мишкан район муниципальный район администраций вуйлатыше Павел Трапезников, Арзамат сельсовет сельский поселений администраций вуйлатыше Станислав Саликов да Мишкан рюд районный больницын тюн врачше Валерий Гареев миеныт. Уна-влакым кинде-шинчал да муро дене вашлийыныт. Ял калыклан у модульный врачебный амбулаторийым почмаш – кугу событий. Вет нуно ынде полышым шокшо да йонгыдо верыште налын кертыт. Тиде событий дене калыкым Айдар Ралифович шокшын саламлен. Павел Владимирович Здравоохранений министр Айрат Рахматуллинлан да Башкортостан Республик правительствылан районыштына здравоохраненийым пенгыдемдаш полшымыштлан тау мутым каласен. У амбулаторийым «Башкортостан республик здравоохраненийын тюналтыш звеножым уэмдымаш» («Модернизация первичного звена здравоохранения Республики Башкортостан») региональный программе полшымо дене чоналтын. Тушто жаплан келшен толшо оборудований верандалтын, кугыен ден йоча-влакым приниматлыме, акушерский, процедурный да прививкым ыштыме кабинет-влак улыт. Мебель сай, компьютерный техникат уло. Тиде пашам шукташак кюлын. ФАП зданий шукертак тоштемын, тидлан кºра тудым жаплан йоча сад зданийыш кусарыме лийын. Тидым 2001 ийыштак ыштыме. Тиде ийыштак ФАП зданийым олмыктымо, пашашке ял калыкат ушнен. Паша 20 октябрьлан пытаралтын. Физический, стоматологический да процедурный кабинет-влаклан оборудованийым ту жаплан петыралтше Новотроицкий ялысе СВА гыч кондымо. Но олмыктымо зданий йодмашлан садак келшен толын огыл, тидлан кºра физический да стоматологический кабинет-влак петыралтыныт. Но вашталтышым вучен шуктымо – идалык мучаште Изи Накарякыште у модульный врачебный амбулаторий почылтын. Кызыт тушто фельдшер Нина Миндиярова, патронажный медсестра Анжелика Изибаева, процедурный медсестра Юлия Байгузина да санитарка Зилия Якупова ыштат. Нуно 1794 енын тазалыкшым эскерат. Тушечын 54 енже – самырык-влак, 15 енже – 1 гыч 15 ияш марте йоча, тыгак 6 м¢шкыран удырамаш уло. Тазалык - эн шерге поянлык. Айдемын пиалан илышыже лач тудын дечын шога. - У модульный врачебный амбулаторийым почмаш – Изи Накаяряк да пошкудо яллаште илыше-влакын тазалыкыштым эскераш полшышаш. Тидлан кºра нуным тиде событий дене алал кумылын саламлена! – каласен шкенжын выступленийыштыже районын тюн врачше Валерий Гареев. Мероприятий годым амбулаторийым чонаш полшышо чолгаен-влаклан тауштыме серышым кучыктымо.

Венера АГЛЯМОВА.