Сенымашым лишемдаш

Районышто илыше кажне ен СВО дене кузе-гынат кылдалтын. Мобилизаций почеш да шке кумылын фронтыш кайыше-влаклан гуманитарный полышым погымашке чылан ушнат. Неле жап годым мемнан калыкна ик ен семын шочмо элже верч шогалеш. Тидымак палемден вияш линйыште республик вуйлатыше Радий Хабиров да специальный военный оперцийын участникше-влаклан, тылыште нунылан полшышо-влаклан кугу таум каласен. Ушнымаште - вий. Лач тыге шонат Кемий да Руш Байбак яллаште илыше-влак. Кызыт нуно салтакна-влаклан «кукшо душым» ямдылыме пашам рўжге шуктат. «Кукшо душым» ямдылыме пашалан районысо ветеран-влак советын председательже, кугурак тукым чумыргымо «Вдохновение» рўдер вуйлатыше Юлия Балахнина да тиде рўдерын чолга енже-влак Татьяна Самойлова ден Галина Саляева кумыланыныт да Кемий ден Руш Байбак яллаште илыше-влакым ты пашалан туныкташ йодыныт. А нуно мастер-классым эртараш кумылын келшеныт. Вашлиймаш Кемий ялысе модельный библиотекыште - «Гармония» рўдерыште эртен. Тудым вуйлатыше Елена Шамиданова волонтер организацийын кураторжо, тыгак «Самырык Гвардийын» активистше улеш. Тудо уна-влаклан кукшо душлан кўлшє материалым кушечын налаш лийме нерген умылтарен, «Озон» магазиныш могай ссылка дене пураш туныктен - Кукшо душым ямдылаш нимогай нелылык уке, - манеш Елена Анатольевна. - Материалым, тудо дорнит манылтеш, 10х18 сантиметр кугыт дене пўчман, тушко тореш-кутынь посна гельым ныл миллиметр кўжгыт дене йыгыман. Вес посна изи пакетыш ямде салфеткым, ик гана кучылталтше шовычым, кок ватный палочкым пыштыман. Чыла тидыжым уэш посна пакетыш пыштыман. Кукшо душым аралаш пеш йєнан, тудым кўсеныштат кондыштараш лиеш. Пайдаланашат куштылго, губкыш изиш вўдым чўчыктет да шон лекмешке темдалман. Тудын дене могырым ўштат. Почеш чывылталтшаш уке, кукшо шовыч дене ўштылалтат. Пасу условийыште салтак-влаклан арулыкым кучаш тиде эн келшыше йєн. Кугурак вашлийме рўдерын представительже-влак пашалан пижыныт. Нуно ты паша кузе ышталтмым шке шинчашт дене ужыныт: чылажат конвейер семын организоватлалтын. Кажныже шке сомылжым раш шуктен. Тўшка вий дене кўчык жапыште 304 наборым погеныт да кукшо душым ышташ 1043 заготовкым ямдыленыт. СВО участник-влаклан гуманитарный полыш умбакыже погалтеш. Кемий библиотекыште кажне вўргечын 10.00 гыч 13.00 шагат марте кумылан кажне ен сенымашым лишемдымашке шке надыржым пыштен кертеш. - Специальный военный операций тўналме деч вара районышто илыше-влак верч кугешнымаш кажне кечын кугемеш. Маскироватлалтме сетьым пидыт, конгам ямдылат, кукшо душым ыштат, медикаментым, шокшо вургемым да шуко-шуко молымат салтакна-влаклан погат. Кажне ен мо дене гынат полшаш тырша. Кемийыште опытым вашталтымаш пеш пайдале лийын, - манеш Юлия Балахнина. - Кугурак тукым чумыргымо рўдер ончыкыжым кукшо душым ямдылыме пашам тўналнеже.

Виктория ИШМУРЗИНА