Шольым шарналтен

27 ноябрьыште «Атайсал» тўвыра рўдерыште регион-влак кокласе II виш патриотический фестиваль эртен. Фестивальыште специальный военный операцийын ветеранже-влак да СВО участник-влакын ешышт участвоватленыт. Фестивальым «Защитники Отечества» фондын Башкортостан Республикысе филиалже, Россий калык-влак ассаммблейын региональный отделенийже, БР-се калык-влак келшымаш пєрт дене пырля, БР культура министерствын полшымыж дене организоватлен. Шке мастарлыкыштым солист-вокалист-влак, вокальный ансамбль мурым шке возен мурышо-влак ончыктеныт. Условий дене келшышын, конкурсышто СВО участник-влак да нунын ешышт гыч ен-влак участвоватлен кертыныт. Фестивальын финалыштыже Башкортостан Республик гыч 15 финалист да Удмуртий гыч вич финалист участвоватленыт. Саламлыме шомак дене тўвыра министрын заместительже Ильнур Мухьянов, Россий калык-влак ассамблейын Башкортостан Республикысе региональный отделенийын председательже Гульнур Курсарина да Калык-влак келшымаш пєртын директоржо Эльмира Саматова выступатленыт. Мишкан районышто илыше Анжелика Юзукбаева, СВО-што колышо Марсель Байрамовын акаже, шольыжлан лўмлен возымо почеламутшым лудын. Марсель 2022 ий 1 майыште Украиныште эртыше специальный военный операцийыште воинский порысшым шуктышыла колен. Кульчубай ялын эргыже Марсель Байрамов 1995 ий 21 январьыште шочын. Рвезе спорт дене пенгыде кылым кучен, поснак ече спортым да куштылго атлетикым йєратен. Районышто, республикыште эртыше та‰асымашлаште участвоватлен. Тўрлє дистанцийлаште сенышыш да призер радамыш ик гана веле огыл лектын. Сандене, профессийым ойырен налаш жап шумеке, тудо физкультурым туныктышылан Стерлитамакысе физический культура институтыш тунемаш пурен. Институт деч вара шочмо школышкыжо пєртылын. 2017 ийыште Марсельым срочный службыш налыныт. Варажым тудо контракт почеш служитлаш кодын. 2022 ий 1 майыште осколок дене сусырген колен. Тудлан 27 ий лийын. Кє тиде рвезым пален гын, тудын дене чеверласаш пеш неле лийын. Марсель Леонидовичын акаже «Ушан» почеламутым возен. Анжелика Юзукбаева марий йылмым да литературым туныкта. Тудо моткоч уста, талантан ўдыр. Тений шошым марий культурым да искусствым вияндыше «Ший памаш» поро кумыл фондын «За служение марийскому языку и культуре» медаль дене палемдалтын. Анжелика Юзукбаевалан регион-влак кокласе II патриотический фестивальын лауреатше дипломым пуымо. Пўрє ола гыч геройын ўдыржє Елена Меньшикова «Помните» мурым мурен. СВО-што колышо салтакын аваже Татьяна Пурина шке возымо «Памяти сына» почеламутшым лудын. Чекмагуш район гыч спецопераций геройын аваже Нафиса Ашарапова «Нугайбэк» мурым шке пелашыжлан пєлеклен, тудо кызыт ончыл линийыште улеш. Удмуртий гыч спецоперацийын ветеранже Григорий Ильченко шке возымо «Жизнь за други своя» мурым мурен. Уфа оласе Тўвыра полатын солистше-влакын йонгалтарыме «Давай, Донбасс огня!», «На передовой», «333» да «Артефакты» муро-влак кажнын чоныш келге кышам коден. Конкурсын финалыштыже «Отечествым аралышын ачаже» общественный медальым Баймак район гыч Фазлетдин Аслаевлан да Удмуртий гыч Александр Прокопенколан кучыктымо. «Удырамаш - нацийын аваже» медальым Кармаскале район гыч Марья Саляхутдиновалан пуымо. Тыгай награда-влак СВО дене кылдалтше волонтер пашам шуктымылан, мер пашаште чолгалыкым ончыктымылан пуалтыт. Финалист-влаклан чылаштлан дипломым, кубокым да шергакан пєлекым кучыктымо. Проектын партнержо семын Ассамблейын региональный отделенийже выступатлен.

Светлана ТОЙМУРЗИНА.