Премьера сайын эртен

Балтач селаште театр коллектив-влак коклаште Фардуна Касимован призшылан VI республиканский конкурс эртен. Кок кече жапыште республикын тўрлє кундемлаж гыч 10 самодеятельный театр шке мастарлыкшым ончыктен. Организатор-влак деке тиде конкурсышто участвоватлаш 25 коллектив деч йодмаш пурен. Фестивальыште молодежный да кугыен театр коллектив-влак участвоватленыт. Нуно ик шагат наре шуйнышо спектакль-влак дене выступатленыт. Тиде конкурс Кугу Отечественный сарыште сенымылан 80 ий теммылан ямдылалтме кышкарыште да кумдан палыме педагог, режиссер, профессор, Башкир АССР искусствын сулло деятельже, Удмурт Республикысе тўвыран сулло пашае‰же, СССР театральный деятель-влак ушемын членже Фардуна Касимовалан 90 ий теммылан лўмлалтын. Тудо Балтач районын шочшыжо, театр тўняште сайын палыме. Ийготшо кугу гынат, Фардуна Касимова конкурсышто участвоватлыше театр коллектив-влакым аклымаште участвоватлен. Награждений годым кажне коллективлан поро тыланымашым ойлен. Спектакль-влак пошкырт, татар, руш, марий йылме-влак дене ончыкталтыныт. Фестиваль жапыште театр коллективым вуйлатыше-влаклан творческий лабораторий пашам ыштен. Жюрим РФ да БР-ын калык артистше, Мажит Гафуров лўмеш Башкирский государственный театрын артистше, Фардуна Касимован ученикше Хурматулла Утяшев вуйлатен. Конкурсын итогшо почеш Гран-прим Зилаир районын театральный коллектившылан пуымо. Икымше верым Караидель районын артистше-влак налыныт. Кокымшо верыш Гафурий районын, кумшо верыш Мишкан районын коллективше-влак лектыныт. Мишкан Тўвыра полат пеленсе «У илыш» калык театр «Торешватесолаште томаша» спектакль дене выступатлен. Рольым Алексей Ибулаев (Ипполит Барсов), Станислав Янышев (Ивук), Станислав Салиев (Филя), Федор Кутлияров (Оська), Андрей Якупов (Гриша), Василий Кутлуметов (Тимка), Лада Шаяхметова (Зина), Олеся Мусалина (Капа), Мария Минилбаева (Валя), Снежана Валиева (Анетта), Инна Апсаликова (Соня), Ирина Аликаева (Илалше ўдырамаш) модыныт. - Ме балтач кундемыш куанен каенна, ончышо-влак пеш шокшын вашлийыныт, - ойла «У илыш» калык театрын режиссержо Мария Минилбаева. - Конкурсышто ме пален нална, пьесын авторжо Мария Илибаева Балтач районын шочшыжо улмаш. Конкурс пеш келшен. Шке мастарлыкыштым Абзелил, Гафурий, Дєртыльє, Зилаир, Киги, Кармаскале, Калтаса, Караидель, Чекмагуш район-влак ончыктеныт. Кажне коллектив шке семынже ойыртемалтын. Мемнан спектакльын жанрже - комедий-фарс. Сюжет почеш пьесын тўн геройжо Ипполит кужу жап Йўдвел кундемыште пашам ыштымыж деч вара шочмо ялышкыже пєртылеш. Тушто пырля тунемме йолташыже-влакым вашлиеш да моткочак єреш - йолташыже-влак ватыштын «урвалтышт йымаке» пурен каеныт. Чыланат ватыштын ойышт дене гына илат, ик тореш мутымат пелешташ огыт тошт. Тудо йолташыже-влаклан полшаш шонен пышта да ик жаплан ватышт деч ойыраш да ял деч тораште огыл улшо островыш илаш куснаш темла. Тышечын мо лектын, спектакльым ончымо деч вара пален налаш лиеш. Жюри мемнам сайын аклен, театрын шондыкышкыжо эше диплом ешаралтын. Василий Кутлуметов «Эн сай пєръен роль» номинацийыште сенен. Ме шкенан артистна-влаклан, спектакльым шындаш полшышо чыла енлан кугу таум ойлена да нуным лўмышт денак каласена. Рим Галимов - художественный оформлений, Ада Апсатарова - музыкальный оформлений, Радик Кайниев - световой оформлений. Вургемлан да гримлан Гульнара Валиахметова вуйын шоген. Ирина Аликаева суфлер пашам сайын шуктен. Палемден кодаш кўлеш, VI республиканский фестивальыште тиде спектакль дене «У илыш» театр «калык» лўмым эше ик гана пенгыдемден. Мероприятий гала-концерт дене иктешлалтын Визымше декабрьыште «Торешватесолаште томаша» спектакльым Мишканыште ончыктат.

Светлана ТОЙМУРЗИНА.