«Шюм-чон семем»

Конкурс «Мелодии моей души – Кунелем мондары» манылтеш. Тудо уже коло ий Башкортостан Республик культурын заслуженный пашаенже Фаил Абдраков люмеш эртаралтеш. Конкурсышто марий муро-влак дене верысе самодеятельный композитор, музыкант да мурызына Алексей Ибулаев вийжым терген да кокымшо верым налын. Тиде сенымаш изи огыл. Вет конкурсышто пютынь республик гыч ятыр мурызо ден композитор выступатленыт, нуно чыланат калыкым шке возымо - авторский мурышт дене палдареныт. Конкурс деч вара ме Мишкан селасе Марий историй да тувыра рудерын тюн специалистше Алексей Ибулаев дене мутланышна, конкурс нерген тудо тыгеракын палдарыш: - Самодеятельный композитор-влак юбилейный конкурсышто мыят виемым тергаш кумыланым. Тудын географийже моткоч кумда ыле – конкурсант-влак Мелеузышко Башкирийысе ятыр ола ден район гыч миеныт. Конкурсышто мый Вячеслав Камилянов (Эсен Элай) дене пырля возымо кок мурым мурышым, нуно т¢рлº сынан улыт. Икымшыже – патриот ш¢лышан «Онар, кынел!», весыже – лирический «Шочмо кечет дене». Муро-влак жюри ден ончышо-влаклан келшышт. Тыге мый кокымшо верым нальым. Алексей Ибулаевым тиде сенымашыж дене алал кумылын саламлена да ончыкыжым эшеат кугурак сенымашыш шуаш тыланена!

Виктория ИШМУРЗИНА.