«Кумылна нºлталалтын!»

Башкортостанын рюдº олаштыже Виктор Ярцев люмеш калык семюзгар-влак ансамбль ден оркестр-влак коклаште республик к¢кшытан конкурс эртен. Виктор Ярцев кугу талантан музыкант лийын. Ятыр ий «Забава» руш калык семюзгар ансамбльым, «Мирас» муро да куштымаш фольклор ансамбльым вуйлатен. Виктор Александрович – Башкортостан Республикын калык артистше, Башкортостан Республик культурын заслуженный пашаенже. Тений тиде конкурс икымше гана тудын люмжº дене эртаралтын. Тыгай мероприятий-влаклан кºра Пошкырт кундемысе калыкын музыкальный культурыжо виянеш да аралалтеш. Проект талантан музыкант, исполнитель, музыкальный коллектив-влакым кычал муаш да нунын профессиональный кюкшытыштым нºлталаш, концертно-исполнительный пашаштышт опытым погаш полшаш виктаралтын. Конкурсышто чылаже 19 коллектив участвоватлен: йоча, студенческий, педагогический, любительский оркестр-влак да Башкортостан Республикысе культура да искусство учрежденийласе калык сем¢згар ансамбль-влак. Жюрин иктешлымыже почеш, Мишкан районысо Тувыра полатын калык сем¢згар калык ансамбльже любительский коллектив-влак коклаште III степенян лауреат лийын да семюзгар-влакым налаш сертификат дене палемдалтын. Мишкан районын чапшым гитарист Анатолий Шамшиев, баянист-влак Сергей Ямбаев ден Динар Назмутдинов, домрист-влак Данил Аслямов ден Светлана Шахмадеева, ударник Александр Мурзабаев, бас-гитарист Станислав Салиев, свирелист Анатолий Изибаев араленыт. Коллектив Владислав Куприяновын «Морко сюан» ден «Удыр сем» произведенийже-влакым сылнын шоктен. - Тиде конкурс мыланна поро шарнымашеш гына кодеш! – пºлалтеш ансамбль вуйлатше Светлана Шахмадеева. – Участник-влак пеш шукын ыльыч. Иктыж деч весыже онайрак да устарак. Конкурсышто самырык участник-влакат вийыштым тергеныт. Нунын профессионализмышт да талантышт мемнам чылт ºрыктарышт! Мероприятийыште тыгак мастер-класс-влакым эртарыме. Тидын нерген баянист Динар Назмутдинов палдарыш: - Коллектив-влаклан Ринат Халиков чапле мастер-классым эртарен. Тудо Башкортостан Республикысе образованийын отличникше, Газиз Альмухаметов люмеш Республиканский гимназий-интернатын директоржо улеш. Ринат Рифович кунам да кузе т¢рлº сем¢згар-влакын солироватлымышт нерген умылтарен да произведенийлам модмо годым могай йонылышвлак пернен кертме нерген ойлен. Конкурсышто участвоватлымаш – тиде у шинчымашым налаш полшышо пайдале урок, коллектив-влак дене опыт дене пºлалтмаш, профессионал-влак деч пашанам аклыме оценкым налмаш мыланна умбакыже профессионал семын кушкаш полшышаш улыт.

Виктория ИШМУРЗИНА.